Монголын Тогтвортой Санхүүжилтийн (ТоС) Холбоо, Монголбанк, Санхүүгийн Зохицуулах Хорооноос жил бүр уламжлал болгон тогтвортой ногоон, хариуцлагатай бизнесийн шилдгүүдийг тодруулдаг шалгаруулалтаар АПУ ХК “Шилдэг БоНЗ хэрэгжүүлэгч байгууллага 2025” гэсэн нэр хүндтэй шагналыг анх удаа хүртлээ.
Энэхүү үнэлгээ нь тухайн байгууллагын тогтвортой байдлын удирдлагын систем, байгаль орчин, нийгэм, засаглалын тогтолцоо, хэрэгжилтийн үр дүнг олон талт үнэлгээгээр дүгнэдэг шалгаруулалт юм.
Бид 2025 онд үйлдвэрлэлийн хаягдал ус цэвэрлэх байгууламжийн бүтээн байгуулалтыг эхлүүлж, нийт ажилтнуудынхаа байгаль орчин, тогтвортой хөгжлийн талаарх мэдлэг мэдээллийг дээшлүүлэх танхимын сургалтууд хийлээ. Оюутнуудад зориулсан Innov-Talent хөтөлбөрөөр сургалтын төлбөрийн тэтгэлгийг 100 оюутанд олгоод зогсохгүй ажлын байрны цалинтай дадлага, байгаль орчинд ээлтэй төслийн уралдаан, хувь хүний хөгжлийн сургалтуудыг мөн зохион байгуулсан юм. Дотоод ажилтнуудаа дэмжиж, сургаж хөгжүүлэхийн зэрэгцээ Монголын хүнс, ундаа үйлдвэрлэлийн салбарт тогтвортой боловсон хүчний нөөцийг бүрдүүлэх зорилготой “Brew the Future” тэтгэлэгт хөтөлбөр хэрэгжүүлж эхэллээ.
Цаашлаад тогтвортой байдлын удирдлагын тогтолцоогоо олон улсын стандарттай уялдуулахын тулд Олон улсын санхүүгийн тайлагналын Тогтвортой байдлын стандарт (IFRS S1/S2) -ыг дотооддоо туршиж үзэн, цаашид анхаарч сайжруулах ажлуудаа тодорхойлов. Мөн байгаль орчин, нийгэмд ээлтэй засаглалтай байгууллагуудыг дэмжиж хамтран ажиллах хүрээнд Худалдан авалтын гэрээнд БоНЗ-ын заалтуудыг нэмж орууллаа. Цаашлаад спирт, шар айргийн үйлдвэрлэлээс гардаг хаягдал шаарыг дахин боловсруулах шинэ санаачилгыг судлан, хэрэгжүүлэх ажилдаа шамдан ороод байна.
АПУ ХК нь бизнесийн тогтвортой байдлыг урт хугацааны үнэ цэн, байгууллагын хариуцлагатай өсөлттэй холбон хөгжүүлэх стратегиа цаашид улам бүр бэхжүүлэн хэрэгжүүлэхийн төлөө ажиллаж байна.
Like
0
Зөв
0
0
Буруу
0
Воов
0
Уйтгартай
0
Дуртай
У.Хүрэлсүх: Уламжлалт анагаах ухааныг гүнзгийрүүлэн хөгжүүлэх, түгээн дэлгэрүүлэхийг ямагт дэмжинэ
© 2013-2023. Вэб сайт бүтээсэн: Tsast Solution LLC
