Гурван настай хүү хойд эцэгтээ зодуулж, хоёр хоног тарчилсаны эцэст ГССҮТ-д хүргэгдэж, 20 гаруй хоног эмчлүүлж буй. Үүнээс гадна бага насны хүүхдүүд гэр бүлийн, бэлгийн гээд төрөл бүрийн хүчирхийлэлд өртдөг. Тэгвэл Засгийн газраас хэрэгжүүлж буй "5Ш" ажиллагааны нэг болох "Шүгэл" ажиллагаа эхэлснийг Засгийн газар зарласан. Энэ хүрээнд Х.Булгантуяа тэргүүтэй УИХ-ын эмэгтэй гишүүд хүчирхийллийн эсрэг "Шүгэл" төслийг БЗД-ээс эхлүүлж буйгаа мэдэгдсэн.
Энэ талаар УИХ-ын гишүүн Х.Булгантуяа сэтгүүлчдэд "шүгэл" үлээн үзүүлж, мэдээлэл өглөө. Тэрбээр "Эцэг эхчүүд маань энэ шүглийг хүүхдүүддээ авч өгөөсэй гэж хүсэж байна. Авч явахад хялбар буюу түлхүүрийн оосор, цүнх, энгэрээсээ зүүгээд явж болно. Түүнчлэн, энгийн шүглээс гадна "бугуйн цаг" шиг товчлууртай шүгэл бий. Хүүхдүүд, эмэгтэйчүүд оройн цагаар явахдаа аливаа эрсдэлээс сэргийлж, ашиглахад хялбар юм.
Бид төслөө БЗД-ээс эхлүүлж буй бөгөөд дунд болон ахлах ангийн сурагчид, эцэг эхчүүдэд сургалт зохион байгуулахаар төлөвлөсөн. Шүглүүд нь сургуулиудад нь таарагдаад эхэлсэн байгаа" гэв.
"Шүгэл үлээх" гэдэг нь "Нийтийн ашиг сонирхлыг хохироосон, хохироож болзошгүй нөхцөл байдлын талаар эрх бүхий байгууллага, албан тушаалтанд мэдээлэл хүргэх, өргөдөл гомдол гаргахыг хэлэх" ажээ. Гэвч УИХ-ын эрхэм эмэгтэй гишүүд, тэр дундаа Х.Булгантуяа "тоглоомон" шүгэл үлээж үзүүлэх гэж ойлгосон бололтой. Хажуу айлд нь хүүхэд уйлж, орилоод байхад сонсдоггүй хүмүүс "шүгэл" үлээхэд тоох болов уу...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2021
