Н.Алтанхуяг “шударга бусын хонгил” гэж шүүх, хуулийн байгууллагынхныг чичилдэг. Яагаад гэвэл, Н.Алтанхуягийг Ерөнхий сайд байхад түүний хүргэн Г.Дэнзэн төрөөс зарласан 17 тэрбумын тендерт оролцсон. Гарцаагүй баримтаар хэрэг хийснийг тогтоож, тэрбээр хоёр жил хэцүү нэртийнд суусан. Охин А.Саранзаяа нь мөн л төрийн том төсөл “Цэвэр агаар” сангийн 2.2 тэрбум төгрөгийг алга хийсэн хэрэгт холбогдсон. Бас л тухайн үед бухах аргагүй баримттайгаа олон нийтэд ил болж байсан юм.
Н.Алтанхуяг хууль шүүхийнхэнд өс зангидаж, тэднийг “шударга бусын хонгил” гэж дайрахын учир нь ийнхүү түүний эрх мэдлээрээ түрий барьж, төрийн мөнгөнд төрлийнхнөө хутгасныг шүүхээс буруутгаж, зэм хүртээсэнд байдаг юм.
Одоогоос жилийн өмнө Н.Алтанхуяг “Улаан бал” нэвтрүүлэгт орохдоо хүргэн, охин хоёроо өмөөрч, шат шатны шүүхийн шийдвэрийг буруутгаж хөтлөгч Лодойг “Чи юу ч мэдэхгүй. Чиний ойр тойрнынхыг шалгавал чи мэднэ” гэж уурлахад хөтлөгч “Танай ойрын хүмүүс чинь төрийн мөнгөнөөс хэдэн арван тэрбум төгрөгт холбогдчихсон хэрэгт прокурор, шүүхээс буруутгасан нь тэгээд буруу юм уу” гэж амыг нь хааж, улаан нүүрийг нь улалзуулж байсныг ард түмэн тод санаж байгаа байх.
Тэгвэл одоо тэрбээр яах гэж Ерөнхийлөгчийн сонгуульд оролцох боломжгүйгээ мэдсээр байж, сая “Женко”-гийн зааварчилгаанд орж, өнөөдөр төв талбайд “өлсөөд” байна вэ. Одоогийн Ерөнхийлөгч дархан эрх нь дууслаа бол “хэцүү нэрт”- ийнд дуудагдах ёстой гэлцэц байгаа. Төмөр замын нэр бариад хэдэн зуун сая ам.доллар “идчихсэн” хүн одоо шүүхээс айж таарна. Тэгвэл Н.Алтанхуяг Ерөнхийлөгчийн сонгуулийн дараа АН-ын дарга руу зүтгэнэ. Ингээд түүний заль биелвэл дараагийн УИХ-ын сонгуульд АН яллаа гэхэд Ерөнхий сайд болох юм байх. Хүсэл нь биелэвэл Х.Баттулгаа шоронд явуулахгүй авч үлдэх арга нь юм л даа.Н.Алтанхуягийн хүргэн Г.Дэнзэн, охиных нь хэргүүдийг Х.Баттулга нь хамгаалж үлдсэн байж гэвэл хариу барих гэж зүтгэж байна гэж харж болох юм.
Б.Саруул
Like
0
Зөв
0
0
Буруу
1
Воов
1
Уйтгартай
2
Дуртай
© 2013-2021
