2022 оны гуравдугаар сарын 1-ны өдөр болсон онцлох үйл явдлыг Төр.мн сайт товч тоймлон хүргэж байна.
ОНЦЛОХ СЭДЭВ-1: ОХУ Украйн улс руу дайралт хийснээс хойш хэд хоног өнгөрлөө. Олон улсын анхаарлын төвд байгаа энэ үйлдэл Монгол жагсагчдын хөндөх гол сэдэв болж орхилоо. Учир нь иргэний нийгмийн байгууллагууд өнөөдөр No War тайван жагсаал хийсэн юм. Тэд Монгол улс энэ дайны талаар байр сууриа илэрхийлэх ёстой хэмээн үзэж байгаа юм. Д.Монголхүү, Э.Одбаяр тэргүүтэй жагсагчдын жагсаалын гол зорилго нь энх тайван. Гэтэл жагсаал нь эмх замбараагүй байдалтай өрнөж, Украин улсын далбааг хоорондоо булаацалдснаар өндөрлөв.
ОНЦЛОХ СЭДЭВ-2: Төрийн дараагийн онцлох сэдэв бол түгжрэлийг бууруулах гарц шийдэл. Улаанбаатарчууд амьдралынхаа алтан цагийг зам дээр түгжирч өнгөрүүлдэг. Тэгвэл Улаанбаатар хотын түгжрэлийг бууруулах гарц шийдлийн дунд автомашины татвар хураамжийг нэмэгдүүлэхээр тусгажээ. Энэ талаар Хотын дарга өөрийн цахим орчноо илэрхийлсэн байна. Түгжрэл буурвал сайн хэрэг. Гэхдээ иргэдийн халаасны хэмжээгээр шийдэх нь хэр оновчтой вэ? энэ асуудлаар өнөөдөр цахим орчинд хэлэлцүүлэг өрнөж байна. Жолооч та бас саналаа илэрхийлээрэй.
ОНЦЛОХ СЭДЭВ-3: ОХУ Украины дайн Дэлхийн 3-р дайныг өдөөж магадгүй хэмээн ажиглагчид үзэж байна. Дайн хэзээд ч сайн үр дагавар авчирдаггүй. Тиймээс ОХУ, Украин хэлэлцээрт орсон боловч одоогоор ямар нэгэн үр дүн гараагүй байна. Украин улсын Эрүүл мэндийн сайдын мэдээлснээр дайралт эхэлснээс хойш 352 энгийн иргэн, үүний дотор 14 хүүхэд амь үрэгдсэн гэх харамсалтай мэдээ байна. Нөхцөл байдал хүндэрч буй энэ үед Украин Европын Холбоонд хүсэлт гаргаж Украины газар нутагт "Нислэггүй агаарын орон зай" (No fly zone) тогтоож өгөх хүсэлтийг гаргаад байгаа бол Европын холбоо ОХУ-ын эсрэг хориг арга хэмжээ авч эхлээд байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2021
