Л.Оюун-Эрдэнийн Засгийн газар ХНХ-ын 4 дэх сайдынхаа эрэлд гараад буй. Тэгвэл нэг мөсөн БОАЖ-ын шинэ сайдын эрэлд гарсан нь дээр бололтой. Учир нь БОАЖ-ын сайд Б.Бат-Эрдэнийг тойрсон “хэл ам” сүүлийн өдрүүдэд тасрахгүй байгаа.
Тэрбээр ТНБД Э.Баттулгатайгаа “муудалцаж” Засгийн газарт матсанаар ажлаас нь халуулсан. Тэдний муудалцах шалтгааныг хоёр талаас нь тайлбарлаваас, Б.Бат-Эрдэнэ хэлэхдээ “Засгийн газар болон сайдаас өгсөн үүрэг даалгаврыг биелүүлээгүй, хариуцсан ажил нь удаашралттай байсан тул ийм арга хэмжээ авсан” гэсэн юм. Харин ТНБД асан Э.Баттулга нь Б.Бат-Эрдэнийн хууль зөрчиж олгосон 300 орчим газрын асуудал, халаа сэлгээ гэх хууль бус үйл ажиллагааг шалгуулахаар мөн Засгийн газарт ханджээ.
Дээр дурдсан асуудлуудаас “ХУУЛЬ БУС” газрын асуудал багагүй хөндөгдөөд байгаа. Тухайлбал, Төрийн соёрхолт, дуучин Д.Болдод Нүхтийн аманд 2751.2 м.кв, Кёкүшюзан Д.Батбаяр, МУГЖ Т.Баясгалан нарт тус бүр 1050 м.кв газар бэлэглэсэн гэх мэдээлэл бий.
Энэ асуудлаа БОАЖ-ын сайд Б.Бат-Эрдэнэ тайлбарлахдаа “Горхи-Тэрэлжийн 48 уугуул иргэнд газар олголтыг хийсэн. Эдгээр уугуул иргэд дунд Кёкүшюзан Д.Батбаяр, Т.Баясгалан багтсан юм билээ. Тодруулбал, 2011 оны арванхоёрдугаар сарын 23-ны өдрийн А 466 тоот тушаалаар Горхи-Тэрэлжийн байгалийн цогцолборт газарт байрлах эрхийн гэрчилгээг олгож өгсөн байна. Уугуул иргэд гэж тусгай хамгаалалттай газар нутгийн тухай хууль хэрэгжиж эхлэхээс өмнө тухайн газар нутагт суурьшин амьдарч байсан иргэдийг хэлнэ” гэж байв.
Гэвч энэ ойлголтыг ХЗДХЯ-ны ТНБД П.Сайнзориг үгүйсгэж “Давуу байдлаар газрын эрх эдлэх “Уугуул иргэд” гэсэн хууль зүйн ойлголт одоогоор манай хууль тогтоомжид байхгүй” гэх тайлбарыг олон нийтэд өгсөн байдаг.
Үүнээс харахад, БОАЖ-ын сайд Б.Бат-Эрдэнэ өөрөө хууль тогтоомж зөрчсөн байх магадлал өндөр байгаа юм. Хуулийн дагуу ажиллахыг шаарддаг Ерөнхий сайд Л.Оюун-Эрдэнэ та Б.Бат-Эрдэнэтэй ямар хариуцлага ярих вэ?
Like
1
Зөв
0
0
Буруу
0
Воов
0
Уйтгартай
1
Дуртай
Зуун айлын нийтийн байрыг дахин төлөвлөх төслийн үр дүнд эхний айлууд орон сууцандаа оржээЕрөнхий сайд Г.Занданшатар өнөөдөр /2025.12.13/ Сүхбаатар дү...
© 2013-2023. Вэб сайт бүтээсэн: Tsast Solution LLC
