Улсын онцгой комиссын нарийн бичгийн дарга Т.Баярхүү өчигдөр Орон нутагт наадам зохион байгуулах эсэх талаар товч мэдээлэл өглөө. Засгийн Газрын шийдвэрээр улс, бүс, аймаг, сумдын наадмыг хойшлуулж, ирэх жил тэмдэглэхээр шийдвэрлэсэн. Иймд орон нутаг гэлтгүй баяр наадам тэмдэглэнэ гэсэн ойлголт байхгүй гэж тэрээр мэдэгдлээ.
Биеийн тамир, спортын улсын хорооноос гадна талбайд тэмцээн ураалдаан зохион байгуулах тухай хүсэлтийг УОК-т хүргүүлжээ. Ингэхдээ халдвар хамгааллын дэглэмээ мөрдөж, үзэгчгүй тэмцээнээ зохион байгуулъя гэжээ. УОК өнгөрсөн долоо хоногт хоёр удаа хуралдахдаа энэ асуудлыг ярилцсан байна. Хуралдаанаар гадна талбайд зохиодог тэмцээнийг халдварын нөхцөл байдал, тархалтаас нь шалтгаалан зохион байгуулах эсэхийг аймаг, нийслэлийн Засаг дарга нарт үүрэг болгожээ.
Өөрөөр хэлбэл, тухайн аймаг, нийслэлийн Засаг дарга нар үнэлгээ дүгнэлт хийгээд тэмцээнээ явуулах эрхийг олгоно. Мэргэжлийн холбоод заавал Биеийн тамир, спортын улсын хороонд хүсэлт тавьсан байх ёстой. Ингэхдээ халдварын хамгааллын дэглэм мөрдөх, ДЭМБ болон олон улсын спортын холбоодын тэмцээн явуулах ерөнхий шаардлагыг мөрдөнө.
Тухайн спортын төрөлдөө хамаарах тусгай шаардлагыг мэргэжлийн холбоод нь батлаад холбогдох ЭМЯ, ХӨСҮТ, Мэргэжлийн хяналт зэрэг байгууллагуудаас санал аван аймаг, нийслэлийн онцгой комисстоо хүсэлтээ хүргүүлнэ. Зохион байгуулах эсэхийг нь Засаг дарга, онцгой комисс шийднэ. Үндэсний бөхийн холбоо, уяачдын холбоо, хөлбөмбөгийн холбоо, авто мастеруудын холбоо зэрэг байгууллагууд хүсэлтээ ирүүлсэн. Энэхүү хүсэлтийг нь Биеийн тамир, спортын улсын хороо УОК-д танилцуулсан. Наймдугаар сарын 1-нээс гэж заасан байгаа. Нийслэлийн хэмжээнд тэмцээн зохион байгуулахаар болвол НОК шийднэ. Хэрэв аймаг орон нутаг бол тус аймгийн онцгой комисс шийднэ. Дүрэм журмаа боловсруулсан, үзэгчгүй, тооны хязгаар заасан байх ёстой" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
