Улаанбаатар хотын түгжрэлийг бууруулахаар төлөвлөж буй зарим ажлын талаар Түгжрэлийг бууруулах үндэсний хорооны дарга Ж.Сүхбаатар мэдээлэл өглөө.
Тэрбээр "Удаан хугацаанд гацсан төсөл бол дүүжин тээвэр. Дүүжин тээврийн төслийг хэрэгжүүлэхээр Францын талтай тохирсон бөгөөд 2024 оны зургадугаар сараас өмнө эхний шугамыг нь ашиглалтад оруулна. Миний бие төслийн ажлыг урагшлуулахаар ажиллаж байна. Мөн BRT нь хамгийн хурдан хугацаанд хэрэгжих боломжтой төсөл. Санхүүжилт нь ерөнхийдөө шийдэгдсэн бөгөөд УИХ-аар батлуулахаар хүлээж байна.
Тусгай замын автобус буюу BRT-г Энхтайваны өргөн чөлөө эсвэл Ард Аюушийн өргөн чөлөөний аль нэгээр явуулна. Төлөвлөсөн ёсоор ирэх жилээс ажил нь идэвхжих дүр зурагтай.
Тусгай замын автобусны зураг төслийг бэлэн болгосноор Энхтайваны өргөн чөлөө болон Ард Аюушийн өргөн чөлөө – Их Тойруу – Да хүрээ гудамж – Цайз - Офицеруудын ордон чиглэлд шинэ төрлийн багтаамж ихтэй нийтийн тээврийн хэрэгслийг нэвтрүүлэх бүтээн байгуулалтын төсөл хэрэгжиж, цаашид Улаанбаатар хотын нийтийн тээвэр, авто замын салбарт хэрэгжих томоохон төслүүдийг цаг алдалгүй эхлүүлэх боломж бүрдэнэ" хэмээв.
Түүнчлэн "Дүнжингаравын орц, гарцын асуудал хөрөнгө, мөнгөний асуудлаас удаашраад байна. Ойрын үед Гурвалжингийн гүүр, Хархорин захад ажиллана. Алтай хотхонд ч очиж хийгдэх бүтээн байгуулалтын нөхцөл байдлыг судална" хэмээн онцоллоо.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
