УИХ-ын гишүүн Д.Бат-Эрдэнэ, Т.Аюурсайхан, Н.Наранбаатар нарын бүрэн эрхийг түдгэлзүүлэх саналыг АТГ-аас Прокурорын байгууллагад хүргүүлсэн билээ. Тэгвэл Ерөнхий прокуророос дээрх гурван гишүүний бүрэн эрхийг түдгэлзүүлж, шалгах шаардлагатай талаарх саналыг УИХ-ын дарга Г.Занданшатарт хүргүүлжээ.
Энэ талаар УИХ дахь МАН-ын бүлгийн дарга Д.Тогтохсүрэн хэлэхдээ "Хуулийн хугацаанд буюу энэ долоо хоногт багтааж, гурван гишүүний бүрэн эрхийг түдгэлзүүлэх асуудлыг шийдвэрлэх ёстой.
Мөн УИХ-д Ерөнхий прокурорын санал ирснээс хойш тав хоногийн хугацаанд багтаан шийдвэрлэх учиртай. МАН-ын бүлгийн өнөөдрийн хурлаар энэ асуудлыг хэлэлцээгүй. Энэ сарын 29, 30-нд шийдвэрээ гаргана.
Гишүүний бүрэн эрхийг түдгэлзүүлэх нь дэгтэй бөгөөд эхний ээлжинд Халдашгүй байдлын дэд хороо хуралдана. Хэрэг бүртгэлт, мөрдөн байцаалтын үйл ажиллагаа, хэрэгтэй танилцах бүрэн эрх тухайн байнгын хорооны гишүүдэд хуулиар олгогдсон байдаг. Тиймээс тус байнгын хороо хуралдаж, шийдвэрээ гаргасны дараа бүлэг хуралдана" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
