Ядуу байх нэг хэцүү, баян байх бүр хэцүү гэдэг шиг газрын баялагтай байх хэцүүгийн зовлонг Өмнөговьчууд эдэлж байх шиг. Улс төрчид, эрх мэдэлтнүүд, шунан дурлагчид ӨМНӨГОВЬД шунаж, хишиг хүртэх сонирхол нь улам нэмэгджээ.
“НҮҮРСНИЙ ХУЛГАЙ”-н хэргээр Өмнөговьчуудын төлөөллийг бүгдийг нь намнах төлөвлөгөөг найруулсан аж.
Одоогийн байдлаар Өмнөговь аймгаас УИХ-д сонгогдсон УИХ-ын гишүүн Д.Бат-Эрдэнэ, Н.Наранбаатар нарыг яллагдагчаар татаж, аймгийн зарим иргэдийн хурлын төлөөлөгч нарыг хэрэгт холбогдуулан шалгаж байгаа юм.
Ард иргэд Нүүрсний хулгайчдыг зарла гэж жагсаж эхлэх үед сандарсан ТӨР Өмнөговь аймагт хамааралтай хэн бүхнийг нэрлээд орхисон. Гэтэл тэдгээр хүмүүс нь зүгээр л өгөөш байсан нь удахгүй түмэнд ил болно.
Дээрх зарим нэр бүхий хүмүүсийг “ЗОЛИГТ” гаргасны дараа хөрсийг нь сэндийчиж, хөрөнгийг нь түүх БҮЛЭГ УЛС ТӨРЧИД Өмнөговийг зорино. Өөрөөр хэлбэл 72 мянга орчим иргэдтэй Өмнөговийг ямар ч төлөөлөлгүй болгож байж тэд хүссэнээ хийхээр зэхэх.
Ингэж улс төрийн “НАЙРУУЛГА” өрнөж байна. Төрийн бүхий л байгууллага хил дээр хаалга, үүдийг нь захиад сууж байгаа. Гааль, хил хамгаалах, Мэргэжлийн хяналт гээд 4-5 төрийн байгууллага хаалга дээр нь сууж байгаа атлаа НҮҮРСНИЙ ХУЛГАЙГ хараагүй өнгөрнө гэж байхгүй. Тэгэхээр том хулгайчид нь ТӨР өөрөө байж тараана.
Өмнөговь аймгаас УИХ-д сонгогдсон УИХ-ын гишүүн Д.Бат-Эрдэнэ, Н.Наранбаатар нарт хамаг анхаарал төвлөрсөн. Тэд л гишүүний бүрэн эрхээсээ чөлөөлөгдчих юм бол НҮҮРСНИЙ ХУЛГАЙ зогсоно гэж олон нийтэд хүлээлт үүсгэжээ. Гэвч энэ парламентын гишүүдээс эхлээд, Монгол Улсын Засгийн газрын гишүүдээр үргэлжилж, эрх баригч намынхан гээд нүүрсний хулгайтай оролцоогүй хүн үгүй аж.
Үнэндээ нүүрс хулгайлсан бол хариуцлагыг хэн ч үүрэх ёстой. Д.Бат-Эрдэнэ нь байна уу, Н.Наранбаатар байна уу? Ж.Мөнхбат нь байна уу? Б.Ганхуяг нь байна уу буруутанг хууль хяналтын байгууллага тогтоочихно.
Хамгийн гол сэжиг төрүүлж буй асуудал бол БҮЛЭГ УЛС ТӨРЧИД Өмнөговь аймгийг төлөөлөлгүй, нэг ёсондоо ямар ч “ХАМГААЛАЛТГҮЙ” болгоод “ТОНОН ДЭЭРЭМДЭХ” гэж байна.
Монгол Улсын ерөнхий сайд Л.Оюун-Эрдэнэ үүнийг хэдийнэ харсан нь лавтай. Гэхдээ тэр бүлэг улс төрчид дунд ерөнхий сайд маань багтаж байгаа юм биш биз...
Төр.мн
Like
3
Зөв
0
0
Буруу
0
Воов
0
Уйтгартай
0
Дуртай
Хулгайч гишүүдээ хаацайлах ухааны юм уу даа Ажнайгаа хулгайч гэхгүй бол хөөрхий муу халаасны хулгайч нар гомдох байгаа даа.
Төлөөлөхгүй болгож байгаад улс юмаа мэддэг юм гээд Цагаандэл боомтыг авсан мөнгөнийхөө оронд нээх гэж байгаа.Уос маань юмаа мэддэг юм бол Дорнотын нефтийн мэдээг дээ.
“Цэгцрэх хөдөлгөөн”-д хууль сахиулах байгууллагын хувь нэмэр чухал
© 2013-2023. Вэб сайт бүтээсэн: Tsast Solution LLC
