Нийслэлийн түгжрэлийг тодорхой хэмжээгээр бууруулахын тулд өнөөдөр /2023.03.29/ 06:00 цагаас эхлэн хоёр байршил дахь хөдөлгөөний зохион байгуулалтыг өөрчилсөн. Тодруулбал,
Механик тээврийн сургуулийн болон Цагаан хаалганы уулзвар, Хөсөг трейдийн уулзварын хөдөлгөөнийг өөрчилснөөр ямар үр дүн гарч байгаа талаар ЗХУТ-өөс танилцууллаа.
ЗХУТ-ийн Хөдөлгөөн зохицуулалт, хяналтын хэлтсийн дарга Н.Намуу хэлэхдээ "МТС-ийн уулзварт буцаж болон зүүн эргэдэг байсан. Энэ нь Нарны гүүр, Баруун дөрвөн зам, Өгөөж, Энхтайваны өргөн чөлөө, Нарны зам, Бөмбөгөр гээд хойноос урагшаа чиглэлд нэлээд ачаалал өгдөг байсан гол цэг юм.
Мөн хамгийн өндөр зохицуулалттай уулзвар нь МТС-ийнх байсан. Өчигдөр /2023.03.28/ ерөнхий боловсролын сургууль амарсан байх үед МТС-ийн уулзварт 06:00-14:00 цагт 64 удаа хөдөлгөөн зохицуулалт хийсэн байна. Харин өнөө өглөө ямар ч зохицуулалт хийгээгүй.
Түүнчлэн, Өгөөжийн уулзвар, Гэсэр сүм, Бөмбөгөрийн уулзварт өчигдөр дээр дурдсан цагт 57 зохицуулалт хийсэн бол өнөөдөр зохицуулалт хийгээгүй. Өөрөөр хэлбэл, хөдөлгөөн уулзвар дээр тэнцвэртэй үргэлжилж, гэрэл дохионы дагуу явж байна" гэсэн юм.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
