Төв аймгийн Эрдэнэ сумын Гүнжийн сүмд өчигдөр /2023.03.31/ ой хээрийн түймэр гарчээ. Дуудлагын дагуу Налайх дүүргийн Онцгой байдлын хэлтсийн бүрэлдэхүүн очиход 14 га орчим талбай шатаж байсныг цурамд оруулсан байна.
Түймрийн голомтод Эрдэнэ сум, Тэрэлжийн байгалийн цогцолбор газраас нийт 37 хүн, таван автомашин, гурван мотоцикл, зургаан морьтой ажиллажээ.
Нийслэлийн ногоон бүс, зуслангийн чиглэлд хуурайшилт ихтэй, ой хээр, шар өвсний гал түймэр гарах өндөр эрсдэлтэй байгаа юм.
Иймд зуслан, ногоон бүсийн айл өрх, аж ахуйн нэгж, байгууллага хашааныхаа өнжмөл өвсөө шатаахгүй байх, гагнуур хийхгүй байх, халуун үнс, нурмыг ил задгай асгахгүй байх, тамхины ишээ бүрэн гүйцэд унтраах, шашны зан үйл хийхгүй байхыг ОБЕГ-аас сэрэмжлүүлж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
