Л.Оюун-Эрдэнийн засгийн газар шинэ бүтэц хийж хоёр ч яам байгуулах тухайгаа хэд хэдэн удаа илэрхийлж байсан. Тэгвэл тус өөрчлөлт энэ ирэх сарын дундуур болох аж. Энэхүү цаг үетэй давхцаад хариуцлагагүй тааруухан ажилласан ганц нэг сайд нарыг ч чөлөөлөхөө илэрхийлсэн.
Тухайлбал ЗТХЯ-ны Халтар сайдыг замын үүдийн боомтын гацаа эргэлзээг гаргаж чадахгүй бол ажлаа өгөөрэй хэмээн ширүүн дуугарсан юм. Халтар сайдын хувьд Дарханы зам хэмээх дуусашгүй хар мөртэй ажил нуруун дээр нь үүрээстэй яваа. Өмнөх сайдынхан зохион байгуулалтгүй ажилласны балгийг үүрсэн тэрээр хэрхэн удирдан зохион байгуулах ур ухаан гаргаж ажиллахаас зөөлөн суудалдаа суух уу буухуу гэдэг нь шийдэгдэнэ.
Мөн сошиалаар өөрийгөө сурталчлахаас өөр бодит бодлогын ажил хийж чадахгүй байгаа нэгэн сайд байгаа нь Хөдөлмөр нийгмийн хамгааллын сайд А.Ариузаяа юм. Түүнд хийх олон ажил бий ажилгүйдэл, ядууралтай хэрхэн тэмцэж гарц гаргалгатай ажиллах, тэтгэвэр нийгмийн даатгалын бодлогын шинэчлэл гээд бишгүй ажил байгаагаас тэр гарт баригдаж нүдэнд үзэгдэх нэг ч ажил хийгээгүйгээрээ халагдах сайд нарын жагсаалтад ороод байна.
Эрүүл мэндийн сайд Энхболд тэрээр зүүдэлж байгаагүй суудалд нэг өдөр гэнэт суусан нь найз болох Мөнхсайханы ач гэх. Цар тахалтай энэ цаг үед зөв бодлого шийдвэр гаргаж чадаагүйн улмаас хэдэн зуун хүн хорвоогийн мөнх бусыг үзээд байна. Тэрээр өдөрт 500 сая төгрөг цар тахалд зарцуулагдаж байна гэж мэдэгдэж байсан удаатай. Харин тэрхүү мөнгө хаагуур хэнд очиж бодит үр дүн үзүүлж байгааг бурхнаас өөр мэдэх хүн алга.
Гол тоглогчууд
МАХН татан буугдаж МАН-тай нэгдсэн нь зүгээр ч нэг тохироо гэрээ биш юм Н.Энхбаяр өөрийн телевизээрээ МАХН-ын 2200 хүн төрийн удирдах албан тушаалд очно гэж ерөнхийлөгчийн сонгуулийн өмнө зарлаж байсан. Тэрээр өөрөөсөө эхлэн томилгоо хийсэн юм. Дараагийн тохироо нь шадар сайдад Оюунбаатарыг зүтгүүлж байгаа аж. Үүнээс гадна хоёр яамыг авна хэмээн хэлэлцээрийн төвшинд яриа үргэлжилж байгаа сурагтай.
М.Энхболд тэр нэгэн цагт Монголын хаан байсан үе саяхан чимээгүйхэн яваад чимээгүйхэн эргэн ирж байгаагаа Хаянхярваагийн томилгоогоор харуулсан. Үргэлжлүүлэн соёлын сайдад сайн найзынхаа хүүхдийг томилсноос ямаршуухан нөлөөтэй ирж байгааг харж болох юм.
Н.Энхбаяр, М.Энхболд нарын гол тоглолтууд энэ 8 сарын дундуур өрнөх аж.
Б.Батжаргал
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
