Ерөнхий боловсролын сургуулиуд спорт заалаа бусдад түрээслэх замаар нэмэлт орлого олдог. Тэгвэл тэрхүү нэмэлт орлогыг сургуулийн захирал, нярав гэх мэт этгээдүүд хувьдаа завшсан байж болзошгүй мэдээлэл гарчээ.
Тодруулбал Улсын тэргүүний лаборатори Ганзам 20 дугаар сургуулийн захирал Ц.Баярбаатар нь сургуулийн спорт заалыг түрээсэлж олсон төлбөрийг хувьцаа захиран зарцуулж, завшсан байж болзошгүй улсын ахлах байцаагчийн дүгнэлт нийтэд дэлгэгдлээ.
Энэ тухай гомдол Боловсрол, шинжлэх ухааны сайдад хаяглан ирсэн бөгөөд санхүү, аж ахуйн үйл ажиллагаанд хэсэгчилэн шалгалт хийжээ.
Ц.Баярбаатар захиралтай Ганзам 20 дугаар сургууль нь 2020.09.17-ны өдрөөс 2022.06.30 хүртэл хугацаанд спорт заалыг хувь хүн болон албан байгууллагуудад түрээслэн орлого олж байсан ч гэрээгүй, орлогыг бэлнээр авсан, Спорт цогцолборын менежер С.Доржсүрэнгийн дансаар бэлэн болон бэлэн бусаар 11.4 сая төгрөг зарцуулсан, мөн 20.4 сая төгрөгийг бэлэн болон бэлэн бусаар зарцуулсан, ширээний теннисний төлбөртэй дугуйлангийн секцийн төлбөр, урлаг заалны түрээсийн төлбөрийг “ЗАВШСАН” нь улсын байцаагчийн дүгнэлтэд дурджээ.
Энэ мэт сургуулийн заалыг түрээслэх замаар олсон нэмэлт орлогыг сургуулийн удирдлагууд бэлэн болон бэлэн бусаар авч “ЗАВШСАН” асуудал сөхөгдөж, хариуцлага тооцох асуудал яригдаж эхэллээ.
Олон жил сургуулийн нэмэлт орлогыг хувьдаа ашиглаж байсан албан хаагчдынхаа энэ үйлдлийг Ганзам 20 дугаар сургуулийн захирал Ц.Баярбаатар мэдэхгүй өнгөрнө гэж байхгүй. Бусад албан тушаалтны дансаар оруулж өөрөө хувьдаа авдаг байсан тухай гомдол салбарын сайдад хаяглан ирсэн нь энэ аж.
Түүнчлэн Ганзам 20 дугаар сургуулийн захирал Ц.Баярбаатар нь дээрх асуудлаас гадна Баянгол дүүргийн ИТХ-ын төлөөлөгчидтэй нийлж тус сургуулийн зааланд архидан согтуурдаг гэсэн асуудалд холбогдоод байсан юм.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
