Жендэрийн үндэсний хорооны Ажлын албанаас “Улс төрийн намын хүйсийн тэнцвэрт байдлын тайлангийн маягт”-ыг боловсруулж, Улсын Дээд Шүүхэд бүртгэлтэй намуудад хүргүүлсний үр дүнд Монгол ардын нам, Иргэдийн оролцооны нэгдэл нам, Хөдөлмөрийн Үндэсний нам жендэрийн эрх тэгш байдлыг хангах тухай хуульд заасны дагуу тайлан ирүүллээ.
Монгол ардын намын тайланд:
МАН-ын төлөөллийн төв байгууллагын хүйсийн харьцаа эмэгтэй 23.9%, эрэгтэй 76.1%, дэргэдэх ТББ-ын удирдах дээд байгууллагад эмэгтэй 37.4%, эрэгтэй 62.6%, тус тус байна. Нийт эмэгтэй хүйсийн төлөөлөл 528 буюу 25.1% тул Жендэрийн эрх тэгш байдлыг хангах тухай хуулийн 8 дугаар зүйлийн 8.3-д заасан шаардлагыг хангаж байна.
МАН-ын орон нутгийн байгууллагын удирдлагын түвшинд эмэгтэй 1027 буюу 30%, эрэгтэй 2395 буюу 70% тус тус байх тул Жендэрийн эрх тэгш байдлыг хангах тухай хуулийн 8 дугаар зүйлийн 8.3-д заасан шаардлага, МАН-ын Үндсэн дүрмийн 1 дүгээр зүйлийн 1.5.8 дахь заалтын сайн дурын квотын шаардлагыг тус тус хангажээ.
Иргэдийн оролцооны нэгдэл намын тайланд:
“Иргэдийн оролцооны нэгдэл” нам нь 2022 оны 05 дугаар сарын 19-ны өдөр Улсын Дээд Шүүхэд албан ёсоор бүртгүүлсэн ба 4162 гишүүнтэй. Тус намын дүрмийн 3-р бүлгийн 9-12 дугаар зүйлд жендэрийн харьцааг 50/50 байхаар заажээ.
Нийт гишүүдийн 27% эрэгтэй, 73% эмэгтэй байгаа нь Жендэрийн эрх тэгш байдлыг хангах тухай хуулийн 8 дугаар зүйлийн 8.3-д заасан аль нэг хүйсийн төлөөлөл 25%-иас доошгүй байх шаардлагыг хангажээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
