УИХ-ын өнөөдрийн чуулганаар "Биржээр нүүрс арилжаалах" асуудлыг хэлэлцэв. Энэ үеэр УИХ-ын гишүүн Э.Батшугар байр сууриа илэрхийллээ.
Тэрбээр "Нүүрсний хулгайтай тэмцэж, биржээр арилжиж эхэлснээс хойш хэд хэдэн эерэг өөрчлөлтүүд гарлаа. 70 ам.доллароор зардаг байсан нүүрснийн үнэ 170-180 ам.долларт хүрсэн байна. Үүнийг дагаад, өнөөдрийн байдлаар 800 мянган тонн нүүрс арилжаалсан. Энэ нь Монгол Улсад бодит эдийн засаг мэдрэгдэж эхэлж байна гэсэн үг. Тухайлбал,
Сүүлийн 2 долоо хоногийн хугацаанд Монголбанканд "61 сая ам.доллар заръя" гэх арилжааны банкны санал ирсэн байна. Миний мэдэхийн, сүүлийн 12-13 жилд арилжааны банкнаас ийм санал ирээгүй. Мөн 3528 төгрөг байсан ам.долларын ханш өнөөдөр 3513 болж буурсан байна. 2009 оноос ам.долларын ханш ингэж буурсан түүх байхгүй.
Тэгэхээр энэ боломжийг Эдийн засагчид болон Засгийн газар ашиглаж, иргэдийн нуруун дээрх ачааг авах хэрэгтэй байна" хэмээсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
