Г.Энхбилэг: Надад хэлэлгүйгээр охиныг минь моорогт байхад нэг сарын 16-ны өдөр мооргийн эмч нар задлан шинжилгээ хийсэн

Төр.мн I www.tur.mn

2023-04-07

Гурван настай охинд буруу эмчилгээ хийснээс болж амиа алдсан тухай аав нь мэдээлэл хийж байна.

Талийгаач охины аав Г.Энхбилэг: “БГД-ийн Нэгдсэн эмнэлэгт ханиад, хатгаагаа эмчлүүлэхээр очсон охиныг минь “Гэдэсний ханиад” хэмээн буруу оношилж, 7 хоногийн дараа нас барсан. Эмчилгээ хийлгэж эхэлснээс хойш дөрвөн өдрийн дараа охины бие эрс муудаж, хэвтэрт орсон. Гэтэл эмч нар хүүхэд чинь анх ирэхдээ хэвтэрт орсон, муу ирсэн гэж байна.

Өнгөрсөн нэгдүгээр сарын 7-ны өдөр өглөө гэрээсээ гараад БГД-ийн Нэгдсэн эмнэлэг рүү явах үеийн камерын бичлэгийг давхар хавсаргасан. Охин минь аавдаа тэврүүлээд зүгээр очсон. Хүүхдийнхээ биеийг ийм болтол хүндрүүлээд ирлээ гэж байна. Мөн эмч нар миний зөвшөөрөлгүй задлан шинжилгээ хийсэнд маш их гомдолтой байна. Яаралтай тусламжаар мэргэшээгүй эмч нар амилуулах эмчилгээ хийгээгүй юм.

БГД-т өмнө ч зөндөө иймэрхүү хэргүүд гарч байсан юм билээ. Миний охиныг моорогт байхад нэг сарын 16-ны өдөр мооргийн эмч нар задлан шинжилгээ хийсэн байгаа юм. Надад хэлээгүй үүнд гомдолтой байна. Хүүхдээ гаргахын өдөр надаас уучлалт гуйж буруу зүйл хийсэн байна гэсэн. Тэгэхээр нь цагдаад гомдол гаргасан. Эмнэлэг ер нь хариуцлагагүй юм билээ" гэв.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

Г.Энхбилэг: Надад хэлэлгүйгээр охиныг минь моорогт байхад нэг сарын 16-ны өдөр мооргийн эмч нар задлан шинжилгээ хийсэн

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд