Засгийн газрын "5Ш" ажиллагааны нэг "ШУВУУ" ажиллагааны талаар ХЗДХ-ийн сайд Х.Нямбаатар мэдээлэл өглөө. Тэрбээр,
"Шувуу ажиллагааны хүрээнд энэ сарын 5-нд Т.Бадамжунайг Филиппин улсын Манила хотооос шилжүүлж авсан бөгөөд цагдан хорьж байгаа.
АТГ-ын мөрдөн шалгах албаныхантай иргэн Ж.Төгсбаяр Унгар улсаас өөрөө холбогдоод, хэргээ "Шалгуулъя" гээд ирсэн. Эрүүгийн хуулийн тусгай ангийн 22.1.2-т заасан гэмт хэрэгт шалгагдаж байгаа хүн.
Мөн иргэн П.Болортуяа БНСУ-аас ирсэн, хэргээ шалгуулж байгаа. Эдгээр иргэнд хилийн хориг тавьсан.
Ойрын үед БНСУ-аас хэд, хэдэн хүнийг тус улсын хууль сахиулагчидтай хамтарч албадан ирүүлэх ажлууд хийгдэж байна. Одоогоор эдгээр хүний нэрийг хэлэх боломжгүй.
"Тавантолгой төмөр зам" компанийн Гүйцэтгэх захирал асан Н.Удаанжаргалыг шилжүүлэн авахаар АТГ, ЦЕГ, Эрүүгийн цагдаагийн алба улс орнуудын хууль сахиулах байгууллагуудтай хамтран ажиллаж байгаа.
УИХ-ын гишүүн асан Ж.Мөнхбат мөрдөх байгууллагатай холбогдоод, "Хугацаандаа ирж мэдүүлэг өгөхөө илэрхийлсэн" гэх мэдээллийг авлаа" хэмээв.
Авлигын хэргээс гадна хүнийг санаатай алах, хүчингийн болон залилан мэхлэх гэмт хэрэг үйлдсэн хүмүүсийг ч шилжүүлэн авч ирэх аж. Эрэн сурвалжилж авч ирэхээр зарласан хүмүүсийн дунд тэд багтжээ.
Like
1
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
