Нийслэлийн "Өргөө" амаржих газрын буруугаас болж хүүхэд нь хохирсон талаар иргэн Б.Эрдэнэцэцэг өнөөдөр Үндэсний мэдээллийн төвд мэдээлэл хийлээ.
Б.Эрдэнэцэцэг: “Миний бие нөхөр гурван хүүхдийн хамт амьдардаг. 2022 оны аравдугаар сарын 2-ний өглөө 05:30 цагт ургийн ус гараад, өглөө 08:00 цагт Өргөө амаржих газарт очсон. Эмч нар ээлжээ хүлээлцтэл би хүлээж суугаад төрөх хэсэгт орсон. Тасгийн эрхлэгч нь өөрөөрөө төрөх боломжтой юм байна гэсэн. Ус гарсан учраас сэдээлт хийсэн. Базалт удаан байсан болохоор нийт гурван удаа сэдээлт хийсэн. Ус гарчхаад байхад хоёр хоног төрөхийн өрөөнд хонуулаад, аравдугаар сарын 4-нд хүүхэд чинь доошлохгүй байна гээд кесар хийж хүүг маань төрүүлсэн.
Би гомдолтой байна. Төрснөөс хойш “Өргөө” амаржих газар ганц ч хүүг маань асуугаагүй. Өргөө амаржих газраас би болон хүүхэд маань КОВИД-19-ийн халдвар авсан. Эх нялхас руу шилжүүлсэн боловч хүүгээс маань КОВИД-19 илрээд аваагүй. Намайг зүгээр төрүүлсэн бол ийм асуудал гарахгүй. Хүүхдэдээ эмчилгээ хийлгэх гээд олон нийтийн сүлжээгээр хандивын аян зарласан боловч дөнгөж 20 хувьтай явж байна. Хандив цугларахгүй байна" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
