Н.Алтанхуягийн өмгөөлөгчийн хүсэлтээс татгалзаж, шүүх хурал үргэлжилж байна

Админ

2023-04-18

"Хөгжлийн банкны" гэх хэргийн гэм бурууг шүүх хурал хоёр дахь өдрөө үргэлжилж буй билээ. Хэргийн оролцогч талуудын байр суурийг шүүх бүрэлдэхүүн сонсож, тэдний санал хүсэлттэй холбогдуулан зөвлөлдөхөөр 11:46 цагийн үед түр завсарлав.

Улмаар шүүх бүрэлдэхүүн зөвлөлдөж, хэргийн оролцогчдын саналын талаарх шийдвэрээ танилцуулснаар Хөгжлийн банкны хэргийн шүүх хурал үргэлжилж байна.

Тодруулбал,

"Яллах дүгнэлтэд хоёр талын байр суурь байсан. Яллах дүгнэлтийг улсын яллагчийн санал болгосон хэмжээнд уншиж сонсох, нөгөөх нь яллах дүгнэлтийг бүтнээр нь уншуулах байр суурь бий. Шүүх бүрэлдэхүүн зөвлөлдөн яллах дүгнэлтийг бүрэн уншуулах шаардлагагүй" гэж шүүгчид үзжээ.

Шүүгдэгч Ч.Отгочулууны өмгөөлөгч Н.Ариунболд
Шүүгдэгч Н.Алтанхуягийн өмгөөлөгч Ч.Болдбаатар
Шүүгдэгч Я.Батцэцэгийн өмгөөлөгч Д.Түвшинтамир нараас холбогдох хэргээ тусгаарлуулъя гэх хүсэлт гаргажээ.

Энэ хүсэлтийг хүлээн авах боломжгүй гэж үзсэн. Учир нь холбогдох хэргийг мөрдөн байцаалтын шатанд нэгтгэсэн. Улмаар нэгтгэсэн хэрэг дээр Нийслэлийн прокуророос хянаж, яллах дүгнэлтээр энэ хэрэг шүүхэд шилжсэн. Эдгээр хүнд холбогдох хэргийг одоо тусгаарлах боломжгүй" гэж шийдлээ.

Өмгөөлөгч Ч.Болдбаатар, Б.Наранцэцэг, Д.Түвшинтамир нараас хэрэгт нэр бүхий гэрчүүдийг оролцуулъя гэх агуулгаар хүсэлт гаргасан. Энэ хүсэлтийг хүлээж авах боломжгүй гэж шүүх бүрэлдэхүүн дүгнэжээ.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.