Төрийн өмчийн бодлого, зохицуулалтын газрын дарга Б.Цэнгэл, Хөтөлийн "Цемент шохой" ТӨХК-ийн гүйцэтгэх захирал Л.Наранбаатар нарын хооронд үл ойлголцол үүсээд буй. Тэгвэл энэ талаар ТӨБЗГ-ын дарга Б.Цэнгэл сэтгүүлчдэд мэдээлэл өглөө. Тэрбээр,
"Л.Наранбаатарын хэвлэлд өгсөн болон ажилчдынх нь өгч буй мэдээлэл эрс зөрүүтэй байсан. Энэ байдал нь намайг "Газар дээр нь очиж ажиллах нь зөв" гэх шийдвэр гаргахад хүргэсэн. Улмаар зөрүүүтэй мэдээллийг арилгах Ажлын хэсэг байгуулж, тус үйлдвэрт ажилласан юм. Түүнээс, Л.Наранбаатарыг халах гэж очоогүй" гэв.
Түүнчлэн, "Төрийн өмчийн компаниудад хамаарал бүхий хүмүүсээ томилсон" утга бүхий өөртэй нь холбоотой мэдээлэлд тайлбар өгсөн юм. Ингэхдээ "Зохион байгуулалттай бэлдсэн нэвтрүүлгийг би үзсэн. Нэвтрүүлэгт дурдагдсан 3 хүний тухайд АТГ болон хууль, хяналтын байгууллагад өргөдлөө гаргасан байгаа юм билээ. Үүнийх нь дагуу Л.Наранбаатарыг шалгаж байгаа гэж ойлгосон. Үүнээс гадна миний томилсон гэж яриад буй Б.Алтансувд надад өргөдлөө өгөхдөө НОЦТОЙ мэдээлэл өгсөн. Тодруулбал, Л.Наранбаатар БЭЛГИЙН шинжтэй хүчирхийлэл үйлддэг, ажлын байран дээр биеэ ёс зүйгүй авч явдаг талаар мэдээллүүд бий" хэмээв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
