"Хөгжлийн банкны" гэх хэргийн гэм буруугийн шүүх хурал 3 дахь өдрөө үргэлжиллээ. Энэ үеэр "НВЦ" компанид давуу байдал бий болгосны улмаас Хөгжлийн банканд 51.7 тэрбум төгрөгийн хохирол учруулсан хэргийн талаар прокурор танилцуулав.
Эрх мэдэл, албан тушаалын байдлаа урвуулан ашиглах гэмт хэрэгт холбогдуулан яллагдагчаар татагдсан М.Баянмөнхийн хэргийн материалыг уншиж, танилцуулах үеэр авлига, хээл хахуулийн дараах зөрчлийг хэлэв.
Тодруулбал, "Өөртөө болон "НВЦ" компанид давуу байдал бий болгох зорилгоор Хөгжлийн банкны төслийн санхүүжилт, зээлийн газрын ахлах мэргэжилтэн, зээлийн удирдлагын хорооны нарийн бичгийн дарга н.Аззаяад албан тушаалын байдалтай нь холбогдуулан 2017 оны аравдугаар сарын 11-ний 19:00 цагийн үед 1,000 ам.доллар, 1,240,000 төгрөгийн үнэ бүхий "Montblanc" брэндийн хэтэвч, оргилуун дарс, нэг ширхэг үнэртэй ус хахуульд өгсөн.
Мөн Төрийн ордонд нэр бүхий албан тушаалтны өрөөнд 1,240,000 төгрөгийн үнэ бүхий Montblanc брэндийн хэтэвчийг хахуульд өгсөн.
Өөртөө болон “НВЦ” компанид давуу байдал бий болгох зорилгоор УИХ-ын гишүүн Ё.Баатарбилэгт бүрэн эрх, албан тушаалын байдалтай нь холбогдуулан жолоочоороо дамжуулан 2017 оны есдүгээр сарын 19-нд Хангарди ордны хойд талын авто зогсоол дээр бэлэн 246.8 саяын хахууль өгсөн" хэмээн хэллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
