Ардчилсан намд үүсээд байсан асуудлыг эцэслэж, нэгдмэл нэг удирдлагатай болж, цаашдаа эв нэгдлээ бэхжүүлж, улс оронд тулгамдаад байгаа олон сорилтуудыг хамтдаа давна гэсэн зорилготойгоор зөвшилцлийн санамж бичигт гарын үсэг зурлаа.
Өнөөдрийн эрх баригчдын хэт даварсан, нэг намын дарангуйллыг бий болгосон бусармаг үйл явдлыг таслан зогсоох цорын ганц сөрөг хүчин бол Ардчилсан нам гэж монголын ард түмэн харж байна. Цаашид нийгмийн өмнө хүлээх үүрэг хариуцлагаа ухамсарлаж, бид эвлэлдэн нэгдэж хүчээ нэгтгэлээ.
Ардчилсан намын дарга Л.Гантөмөр: Монголд ус агаар мэт хэрэгтэй зүйл бол эв эе. АН-ын үл ойлголцлын хамгийн гол шалтгаан коронавируст халдварын цар тахал. Бид дуртайдаа хэрэлдэж, зодолдоогүй. АН-ын бүртгэл Дээд шүүхэд хийгдээд, Монгол Улсын Ерөнхийлөгч Х.Баттулгаас гэрчилгээгээ авч намын даргаа бүртгүүлсэн. Өнөөдөр бол АН-ын эцэг С.Зориг агсны төрсөн өдөр. Энэ өдөр тамга шилжин ирж, АН бүтэн болж байна. Бидэнд хоорондоо маргах, мэтгэлцэх, үйл ойлголцох зүйлс гарна. Бид энэ бүхнийг шингээнэ. Ардчилсан нам монголын ард түмэн, төр хоёрыг холбох гүүр нь болсон улс төрийн хүчин байх болно" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
