УИХ-ын өнөөдрийн чуулганаар ЭМД-ын Үндэсний зөвлөлийн зарим гишүүнийг чөлөөлөх, томилох тухай асуудлыг хэлэлцэж байна. Энэ үеэр УИХ-ын гишүүд байр сууриа илэрхийллээ.
УИХ-ын гишүүн С.Ганбаатар "Гадны улсад эрүүл мэндийн даатгал хамгийн гол улс төр нь болж, анхаарлаа хандуулдаг. Манай ЭМДС жилд 1.4 их наядын орлого, зарлагатай. Энэ нь улсын төсвийн таван хувийг эзэлж байна.
Гэтэл өнгөрсөн 30 жилийн хугацаанд энэ мөнгийг улстөрчид хулгайлсан. Тэгэхээр зөвлөлд орж байгаа зургаан хүн улстөрчдийн гарыг тас цохиж өгөөрэй гэж гуйя.
Улстөрчид сонгууль дөхөөд ирэхээр "Эрүүл Монгол хүүхэд", "Эрүүл Монгол хүн" гээд янз бүрийн хөтөлбөрүүд хэрэгжүүлж эхэлнэ. Үүнийг нь нам цохиж унагаахгүй бол өвчин тусахаар иргэд хашаа байшингаа зарж, хамаатан саднаасаа гуйдаг.
"UB Palace"-д болж байгаа хандивын тоглолт гэдэг чинь ЭМДС-гаас улстөрчид хулгай хийсэн гэсэн үг. Яагаад хүмүүс даатгал төлөх дургүй байгаа вэ гэвэл, төлсөн хэрнээ хашаа байшингаа зарах дээр тулж байна" гэсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
