Хэнтий аймгийн Бэрхийн уурхайд ажиллаж байхдаа үйлдвэрлэлийн ослын улмаас нас барсан, хөдөлмөрийн чадвараа алдсан 112 уурхайчны ар гэрийнхэн гурван шатны шүүхийн шийдвэрийг хэрэгжүүлэхийг УИХ-аас шаардаж, хэвлэлд хандлаа.
Тэдний төлөөлөл болох иргэн Д.Алтангэрэл "Анх 290 гаруй уурхайчин өөрсдийн нотлох баримтыг бүрдүүлж, итгэмжлэлээ өгч байсан. Эдгээр бичиг баримтыг цуглуулж, 2007 оны арваннэгдүгээр сараас Хөдөлмөрийн тухай хуульд заасан нөхөн төлбөр авах эрхтэй эсэх тухай асуудлыг албан бичгээр тавьж, МХЕГ-т хандсан байдаг. Бэрхийн уурхайд ажиллаж байсан 290 хүний асуудлаар мэргэжлийн хяналтаас "Хөдөлмөрийн тухай хуульд зааснаар хоёр удаагийн нөхөн төлбөр авах эрхтэй хүмүүс байна" гэж дүгнэсэн.
Дээрх дүгнэлтийг бариад 2008 онд Засгийн газар, Төрийн өмчийн хороо, Хөдөлмөр, нийгмийн хамгааллын яам зэрэг холбогдох байгууллагаар явсан ч эрх ашиг нь хөндөгдсөн уурхайчдын асуудлыг авч хэлэлцээгүй.
Ингээд 2010 оны хаврын чуулганаар Бэрхийн уурхайчдын асуудал хэлэлцэгдсэн байдаг. Үнэхээр эрх нь зөрчигдсөн байна. Тиймээс арга хэмжээ авах ёстой хэмээн дэмжсэн боловч асуудлыг улс төржүүлж орхигдуулсан. Хэрэв Бэрхийн уурхайн асуудлыг шийдвэл Налайхын уурхай, Шарын голын уурхай, Багануурын уурхайд ч асуудал үүснэ гэж хандсан. Мөн захиргааны хэргийн шүүхэд хандсан ч асуудлыг улс төржүүлсэн" хэмээв.
Улмаар энэ сарын 3-ны дотор бидэнтэй уулзаж, шүүхийн шийдвэрийг хэрхэн биелүүлэх тухай асуудлыг ярилцахгүй бол дараагийн шатны тэмцэлд шилжихээ илэрхийллээ.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
