Монгол Улс хэрэгцээт барилгын материалынхаа 70 орчим хувийг импортоор хангадаг "хэрэглэгч орон" билээ. Тиймээс барилгын зах зээлд өндөр хөгжилтэй орнуудын дэвшилтэт техник технологи, барилгын материал, бүтээгдэхүүнийг таниулах зорилгоор анх удаа "International construction fair" буюу олон улсын барилгын үзэсгэлэнг энэ сарын 5-7-ны хооронд "Мишээл экспо"-д зохион байгуулах гэж байна.
Тус үзэсгэлэнд Итали, Хятад, Солонгос, Тайвань, Орос, Казахстан, Турк, Герман, улсын 80 орчим оролцогч шинэ барилгын материал, эрчим хүчний хэмнэлттэй, дэвшилтэт технологио танилцуулна.
Үзэсгэлэн болох хугацаанд салбарынхандаа болон гадаадын зочид төлөөлөгчдөд зориулан "Барилгын зах зээл ба дэвшилтэт технологи" семинарын хүрээнд Монголын барилгын салбарын зах зээл, бизнесийн орчин болон оролцогч компаниудын дэвшилтэт технологийн талаарх илтгэл, арга хэмжээнүүд зохион байгуулагдах юм.
Оролцогч байгууллагуудын зүгээс гадаадад аялах эрхийн бичгийн азтан шалгаруулах, бараа бүтээгдэхүүндээ 10-50 хүртэлх хувийн хөнгөлөлттэй үнээр худалдан авах боломжийг олгож байгаа аж.
Сүүлийн үед барилгын материалыг чанарт төсөл хэрэгжүүлэгчид төдийгүй хэрэглэгч ихээхэн анхаардаг болсон. Төрөөс ч барилгын түүхий эд, материалын чанар, технологийн хяналт, лабораторийн баталгаажуулалт хийх, технологийн горим тогтоох чиглэлээр ажиллаж байна.
Цар тахлын хүндрэл буурч, барилгын материалын үнэ харьцангуй тогтворжиж буй бөгөөд энэ оны дөрөвдүгээр сарын байдлаар арматурын дундаж үнэ 2.6 сая, цемент 1 тн нь 390 мянга, бетон зуурмаг м.куб нь 250-330 мянга байна. Тээвэрлэлтийн зардлаа дагаад барилгын материалын үнэ буурсан бөгөөд өнгөрсөн онтой харьцуулахад 10-15 хувиар буурчээ.
2023 оны тухайд эдийн засгийн нөхцөл байдал, улсын төсвийн хөрөнгө оруулалтаар баригдах бүтээн байгуулалтын ажлууд өсөн нэмэгдэж байгаа нь барилгын салбарын бизнес эрхлэгчдэд таатай байх төлөвтэй бөгөөд барилгын ажил эд өрнөдөг энэ цаг үед зохион байгууллагддаг "БАРИЛГА ЭКСПО-2023" олон улсын үзэсгэлэн яармаг нь барилгын салбарт томоохон дэмжлэг болсоор иржээ.
Энэ удаагийн үзэсгэлэн нь энэ сарын 12-14-ний хооронд зохион байгуулагдах бөгөөд шинэ орон сууц, амины орон сууц, үл хөдлөх хөрөнгө төслүүдийг танилцуулах юм.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
