БНСУ-д ажиллаж байх явцдаа цалингаа авч чадалгүй бусдад зодуулж, амиа алдсан монгол иргэний ар гэрээс мэдээлэл өглөө.
Талийгаачийн нагац дүү Б.Ариунзул хэлэхдээ "Миний ах эхээс хоёулаа бөгөөд айлын ганц хүү байсан. 2021 оны зургадугаар сарын 29-нд гэртээ амь насаа алдсан байдалтай олдсон. Бид ахыгаа бусдын гарт амиа алдсан байж болзошгүй гэж үзэж байгаа. Манай ээж 2021 оны наймдугаар сарын 4-нд энэ хэргийн мөрөөр БНСУ-руу явсан. Бид очиж болох бүх л газар очсон. БНСУ-д суугаа Монгол Улсын Элчингээс өмгөөлөгч томилж өгөхийг хүссэн ч ямар нэгэн хариу өгөөгүй. Бид хардаж байгаа шалтгаанаа тайлбарлавал,
Манай ах цалингаа нэхэхээр өгөхгүй, удаа дараа зодож байсан баримт бий. Задлан шинжилгээгээр, "Хоолойн сэртэнгийн яс хугаралтай" гэх хариу гарсан. Тодруулбал, язралтын улмаас энэ хугаралт үүссэн гэж бидэнд хэлсэн. Нас барснаас хойш гэрт нь 20 гаруй хоног цогцсыг нь хадгалсан байгаа юм. Цогцос нь илжирч, муудсан байсан.
ГХЯ болон БНСУ дахь ЭСЯ-нд маш их гомдож байна. "Өмгөөлөгчөөр туслаад өгөөч" гэхээр "Ямар ч боломжгүй" гэдэг. Манай ээж ЭСЯ дээр очихоор цагдаа дуудаад өгчихдөг. Цагдаа нь өдөржин гавлаад суулгачихна.
Дээрх хэргийг үнэн зөвөөр шийдэж өгөхийг Ерөнхийлөгч, Ерөнхий сайд, ХЗДХ-ийн сайд нараас хүсэж байна" гэсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
