Л.Оюун-Эрдэнийн Засгийн газрын "ХЭЦҮҮ" сайд нарын нэг нь ХХААХҮ-ийн сайд Х.Болорчулуун мөнөөсөө мөн. Тэрбээр суудлаасаа "МУЛТРАХ" болзлоо хэдийнэ хангаад байна. Яагаад гэж үү? Ердөө амархан.
Анх сайдын ажил авахад нь л түүнийг "АШИГ СОНИРХЛЫН" зөрчилтэй гэж байсан. Учир нь тэр "Дорнод гурил" ХХК-тай хамаарал бүхий нэгэн. Гурилын үнийн өсөлтийн талаар түүнтэй ярилтгүй. "Зах зээлийн зарчмаараа өсөж байгаа. Гурилын үйлдвэрүүд хэцүү байна" гэдэг. Махны үнийг ч тоохоо байлаа.
Үнийг нь тогтворжуулах талаар дорвитой алхам хийхгүй байсаар махны үнэ 20 МЯНГА хэдийнэ шүргэлээ. Х.Болорчулуун таг. Уг нь "Үнэ дагаж чанар" гэдэг. Гэтэл юун чанар...
Өнөөх "өмхийрсөн" махны асуудал дахин ургав. Тодруулбал, өнгөрсөн амралтын өдөр Эмээлт дэх "Үүлэнгөү" ХХК-ийн боловсруулдаг мах өмхийрч, хөгцөрсөн асуудал ИЛ болов. ХХААХҮЯ болон бусад мэргэжлийн байгууллага нь агуулахыг "ЛАЦДАХ"-аас өөр чадах зүйлгүй өнгөрсөн. Харин Х.Болорчулуун сайд таг...
Х.Болорчулууныг "ОГЦРУУЛАХ" шалтгаан нь хаврын "ЗУД" болоод байна. Баруун аймгууд, тэр дундаа Ховд аймгийн зарим суманд их хэмжээний цас орж, мал идэх өвс тэжээлгүй болсон учраас тэд нэгнийхээ ноосыг зулгаан идэж байна. Улмаар ноосгүй болсон мал нь хорогдож, малчид цөхөрч байна. Х.Болорчулуун таг...
Гэрэл зургийг: "Ховд.мн" сайтаас авав.
"ЗУД" болоход сайд буруугүй ч асуудал үүсэхэд яам, тамгын газруудаа шуурхай ажиллуулж, арга хэмжээ авах нь сайдын ажил мөн. Гэтэл мань сайд ҮХНӨ-өө тойрогтоо танилцуулж яваа юу, бүү мэд. Яаман дээрээ байгаагүйг иргэн О.Отгонтөгс цахим сүлжээнд ИЛ болгов. Х.Болорчулуун сайд аа, салбар чинь "зуун задгай" байна!!!
Like
0
Зөв
1
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
