УИХ-ын дарга Г.Занданшатар ҮХНӨ-ийн талаар болон бусад цаг үеийн асуудлаар мэдээлэл өглөө. Тэрбээр "УИХ-ын гишүүд ҮХНӨ-ийн асуудлаар тойрогтоо ажиллаж, иргэдийн санал бодлыг сонслоо. Бид нийгмийн хүсэл зоригт тулгуурлаж, шинжлэх ухааны үндэслэлтэй, ирээдүйг харсан шийдвэр гаргах ёстой. Эрдэмтэн судлаачдын хувьд 152 гэдэг тоог мэргэшсэн парламентчид бий болгох үндэслэл гэж үзэж байгаа.
Одоогийн 76 гишүүн бүх асуудалд оролцдог бол энэ тоо олон болсноор илүү мэргэшинэ. Харин иргэдийн хувьд гишүүдийг тоог 152 болгохыг дэмжихгүй байна. Гэхдээ энэ тоог нэмэх нь зүйтэй гэдэг тухайд ихэнх нь дэмжиж үг хэлж байна.
Цар тахлын хязгаарлалтаас шалтгаалж гишүүд тойрогтоо ажиллах нь багассан. Ийм учраас гишүүдийг очиход иргэд бухимдлаа илэрхийлж буй нь зүй ёсны үзэгдэл юм. Иргэдийн амьжиргааны асуудлыг бүлгийн хурлаар гишүүд ярилаа. Пүрэв гарагийн УИХ-ын чуулганы хуралдаанаар төсвийн хүрээний мэдэгдэл, жилийн төлөвлөгөөг ярилцахдаа гарц шийдлийн талаар хэлэлцэнэ.
Хүүхдийн мөнгө, амьжиргааны нөхцөл байдлын талаар иргэд санал бодлоо илэрхийлсээр байна. Ялангуяа, төрийн албан хаагчид, соёлын үйлчилгээний ажилтны цалинг нэмэхийг хүсэж байгаа юм. Нийтлэг үйлчилгээний ажилтнууд гар дээрээ 480 мянга орчим төгрөгийн цалин авч байна. Энэ талаар УИХ, Засгийн газраас холбогдох арга хэмжээг авна" гэсэн юм.
Like
0
Зөв
1
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
