Ерөнхий боловсролын сургуульд сэтгэлзүйч ажиллуулах талаар 2016 оноос хойш ярилцаж, хэлэлцэж ирсэн боловч өнөөдрийг хүртэл дорвитой шийдвэрт хүрээгүй өнгөрсөн. Тэгвэл Боловсрол, Шинжлэх ухааны сайд Л.Энх-Амгалан өнгөрсөн сарын 22-ны өдрийн “Сэтгэл зүйч ажиллуулах бэлтгэх ажлыг хангах тухай” А/266 дугаар тушаал гаргаж, ерөнхий боловсролын лаборатори сургууль, олон улсын хөтөлбөртэй сургуулиудад сэтгэл зүйч ажиллуулах, сэтгэл зүйчийг мэргэшүүлэх сургалтад мэргэжлийн сэтгэлзүйчийг хамруулах шийдвэрийг олон нийтэд танилцуулсан юм.
Өнөөдрийн байдлаар тус ажлын байр дээр нийт 136 сэтгэлзүйч нар хамрагдаад байна. Улсын хэмжээнд ерөнхий боловсролын 45 сургуульд сэтгэлзүйч ажиллуулах ажлын байр зарлаж, сонгон шалгаруулах үйл явц үргэлжилж байна. Мөн нийслэл болон 21 аймаг сум, дүүргийн ерөнхий боловсролын сургууль дээр байрлаж ажиллахаар төлөвжээ. Сэтгэлзүйч нь дан ганц өсвөр насныханд гэлтгүй бүх насны хүнд хэрэгтэй мэргэжил гэж үздэг ба сүүлийн үед дэлхий нийтэд хамгийн эрэлттэй мэргэжлийн тоонд багтсан.
Түүгээр ч зогсохгүй олон улсад ерөнхий боловсролын сургуулийн хэмжээнд зайлшгүй байх шаардлагатай ажлын байрны нэг гэж үздэг. Тэгвэл олон улсад аль хэдийн байр суурьтай салбар манай улсад хэрэгжиж эхлэх гэж байна.
Коронавирусээс үүдэн хүн бүхэн сэтгэл санааны хувьд тогтворгүй байдал орсон нь нийгэм дээр ихээхэн харагдаж байна. Учир нь цар тахалтай байх энэ хугацаанд сэтгэл санааны хямрал болон сэтгэл санааны гутралд иргэд ихээхэн автах болсон байна. Манай улсын хэмжээнд Ковид-19-ээс болж таван удаагийн хатуу хөл хорио тогтоож, их дээд сургууль болон ерөнхий боловсролын сургуулиуд цахим хэлбэрээр хичээлсэн.
Цар тахлын асуудал нийтийг хамарсан ч өсвөр насны хүүхдийн сэтгэл зүйд хүндээр туссан. Үүнтэй холбогдуулан сэтгэл санааны асуудлаас үүдэлтэй гэмт хэргүүд ар араасаа гарч байна. Хүн сэтгэл санаагаа захирч чадахгүй үедээ юу ч хийхэд бэлэн байдаг ажээ.
Тодруулбал саяхан БЗД-ийн 14-р хорооны нутаг дэвсгэрт 11-тэй өсвөр насны эгч, дүү хоёроо хэрцгийгээр хөнөөсөн хэрэг гарч нийгмийг цочроогоод авсан. Тэгвэл Сэтгэлзүйчийн орон тоог гаргаж ирснээр сурагч нар өөрт тохиолдож буй асуудлаа мэргэжлийн үүднээс шийдүүлэх боломжтой болж байна. Сэтгэлзүйч нь сэтгэл санааг дэмжих, тулгамдсан асуудалтай нь нүүр тулуулж түүнээс салах мөн ялах арга замыг зааж өгдөг ганц мэргэжил билээ.
Төр.мн
А.Тамир
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
