Эдийн засаг, хөгжлийн сайд Ч.Хүрэлбаатар өчигдөр Төрийн ордонд БНХАУ-ын хөрөнгө оруулагч талын төлөөлөгчидтэй уулзжээ.
Харин орой нь "Ч.Хүрэлбаатар сайд БЗД-т байрлах нэр бүхий ресторан, караоке бүхий цэнгээний газарт дээрх төлөөлөгчидтэйгөө байна" гэх мэдээлэл гарсны дагуу ASU.MN сайтын баг очиж сурвалжилга бэлтгэсэн байдаг. Сайд мэдээлэл өгөхдөө "Ах нь архи уудаггүй. Ерөнхий сайд БНХАУ-д айлчлах гэж байгаатай холбоотойгоор энд БНХАУ-ын ЭСЯ-ны төлөөлөгчид болон Хөрөнгө оруулагч талын уулзалт болж байна" гэж тайлбарлаад, хамгаалагчид нь хаалгаа "ТАС" хаачихав.
Аливаа уулзалтын дараа цай, хоолны асуудал байж л байдаг. Түүнийг үгүйсгээгүй. Асуудлын гол ЗАНГИЛАА нь ажлын бус цагаар буюу шөнө рестораны үүдэндээ хамгаалалттай, чанга дуу авиа гаргасан орчинд ямар үйл явдал өрнөж байсан нь "ЭРГЭЛЗЭЭТЭЙ". Олон нийт эрхийнхээ хүрээнд хардахдаа "Өнөөх мөрийтэй тоглоом, архидалт өрнөж байна уу" хэмээж байгаа юм.
Харин ЭЗХ-ийн сайд Ч.Хүрэлбаатар цахим хуудаснаа "БНХАУ-ын Элчин сайдын яамнаас зохион байгуулсан арга хэмжээнд оролцоод тарахад, үүдэнд сэтгүүлч асуулт асуухад нь хариулт өгчихөөд явсны дараа "Архи ууж, согтуурч, мөрийтэй тоглосон" гэх гүтгэлэг явуулж эхэлжээ. Хариу өгье:
1. Монгол Улсын чөлөөт бүсэд хөрөнгө оруулалт хийх сонирхлоо илэрхийлсэн БНХАУ-ын компаний төлөөлөлтэй өнөөдөр ордонд уулзаж манай улсын эдийн засгийн нөхцөл байдал, хууль эрх зүйн орчин, манай 2 орны хамтын ажиллагааны талаар ярьж санал солилцсон.
2. Үүний дараа манай яам дээр Чөлөөт бүстэй холбоотой хууль эрхзүйн орчин, бодлогын талаар албан ёсоор танилцуулга хийж, асуултанд хариулсан байдаг.
3. Орой Монгол улсад суугаа БНХАУ-ын элчин сайдын яамны албаны хүмүүстэй хамт арга хэмжээнд оролцож Монгол улсад хөрөнгө оруулах талаар албан бус яриаг өрнүүлж, Монголоо магтаж, монголчуудаа дөвийлгөж суусан.
4. Арга хэмжээнд би 1 цаг 30 орчим минут суухдаа юун архи дарс уух, тоглох, 2 орны хамтын ажиллагаа, айлчлалын талаар санал бодлоо ярьж байлаа.
Ийм л юм болсон. Ингэхэд үүнийг "Согтуурсан, мөрийтэй тоглосон" гэж гүтгэж харлуулах нь арай хэтэрнэ ээ. Намайг муулах ч яах вэ? Муулуулаад, гүтгүүлээд, доромжлуулаад сурчихсан юм. Хөрөнгө оруулагч нараа үргээгээд өндийж байгаа эдийн засгаа хорлочих вий дээ" гэх тайлбарыг оруулжээ.
Хөөрхий Ч.Хүрэлбаатар сайд өдөр шөнөгүй л ажиллаж, "ТУН ЧИГ" завгүй яваа бололтой. Түүний ачаар Монголын эдийн засаг СЭП хийтэл өндийчих юм биш биз...
Like
0
Зөв
0
0
Буруу
1
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
