Монгол Улсын Цагдаагийн албаны болон Дотоодын цэргийн байлдааны туганд хүндэтгэл үзүүлэх, цагдаагийн тангараг давтах ёслолын үйл ажиллагаа Өлгий хотын төвд байрлах Монгол Улсын баатар М.Икейн нэрэмжит талбайд зохион байгуулагдлаа.
Ёслол, хүндэтгэлийн үйл ажиллагаанд Баян-Өлгий аймгийн ЗДТГ болон аймаг дахь Төрийн цэргийн болон Хууль сахиулах байгууллагын удирдлага, алба хаагчид, гавьяаны амралтад гарсан ахмад дайчид оролцож туганд хүндэтгэл үзүүллээ.
Өсвөр үе, хүүхэд залуучуудад тусгаар тогтнол, үндэсний эв нэгдэл, эрх чөлөөний үнэ цэнийг ойлгуулах, түүх соёлоо хайрлан хамгаалах, эх оронч үзлийг төлөвшүүлэх зорилгоор алба хаагчдын бахархал, үнэт зүйл болсон Цагдаагийн болон дотоодын цэргийн байлдааны тугийг 21 аймгаар ийнхүү тойрон аялуулж цэнгүүлэх, хүндэтгэл үзүүлэх, цагдаагийн тангараг давтах ёслолын үйл ажиллагааг зохион байгуулж байгаа юм.
Цагдаагийн байгууллагын 100 гаруй жилийн түүхэнд Нутаг дэвсгэр хариуцсан цагдаагийн байгууллагаар ингэж тугийг аялуулж байсан удаагүй аж. Тугийг 1992 онд Монгол Улсын Ерөнхийлөгчөөс гардаж авснаас хойш туг шинэчлэгдээгүй өнөөг хүрчээ. Улмаар Цагдаа, дотоодын цэргийн ахмадын зөвлөл санаачлан тугийг шинэчлэн сэлбэжээ. Ингэхдээ,
Монгол Улсын 21 аймгийн 200 гаруй сумаас нийт 330 гаруй адууны дэл сүүлээр сэлбэсэн байна. Цагдаагийн байгууллагын туг нь бие бүрэлдэхүүний сүр жавхлан, яруу алдрын илэрхийлэл, сүслэн дээдлэх ариун шүтээн, оройн сүлд, золбоо хийморийн бэлгэдэл, Дотоодын цэргийн цагаан арслан бэлгэдэл нь эр зориг, сүр хүч, цог хийморь, мандан бадрахын илэрхийлэл юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
