Эдийн засаг, хөгжлийн сайд Ч.Хүрэлбаатар "Манай яам паннер хадсан хаягтай, хэцүүхэн байранд ажиллаж байна" хэмээн гоншигоносон нь саяхан. Улмаар түүний гомдлыг Засгийн газар хэлэлцээд, ШӨХТГ-ын байр буюу олны мэдэхээр Тэнгис кино театрын өөдөөс харсан, "Засгийн газрын 11-р байр" хэмээх өндөр цагаан байшинд орох болсноор Ч.Хүрэлбаатар нэг юм тайвширсан.
Асуудал нь нэг тийш болсон тэдний яам ШӨХТГ-ыг байрнаас нь гаргаж, БХБЯ-ны байр руу цөлчихсөн. Тиймдээ ч тэд өөрсдийн орох байраа засварлаж, будаг, замасканы ажил хийж буй. Тэгвэл Ч.Хүрэлбаатар яамандаа Улсын төсвийн 975.2 сая төгрөгөөр тавилга, тоног төхөөрөмж худалдан авахаар ТЕНДЕР зарлажээ.
Төрийн хэмнэлтийн тухай хуульд "Улсын төсвийн хөрөнгө оруулалтаар ямарваа тавилга, тоног төхөөрөмж авахыг хориглоно" хэмээн заасан бөгөөд энэ хууль өнөөдөр хүчин төгөлдөр үйлчилсээр байгаа. Гэвч хуулийн хэрэгжилтийг УИХ, Засгийн газрын гишүүн, тэр тусмаа улсын эдийн засгийг зөв зохистой захиран зарцуулах сайд Ч.Хүрэлбаатар уландаа гишгэж буй баримт энэ юм.
Хуулийн хэрэгжилтэд хяналт тавьж, уландаа гишгэж буй сайд нараа танхимаасаа зайлуулъя, Ерөнхий сайд Л.Оюун-Эрдэнэ ээ...
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
