Монгол Улсын аймаг, нийслэл, сум, дүүрэг, баг, хороодын Засаг дарга, удирдлагууд оролцсон "Шинэ сэргэлтийн бодлого-анхан шат 2023” зөвлөлдөх уулзалт анх удаа боллоо. Энэ үеэр ЗГХЭГ-ын дарга Д.Амарбаясгалан,
1. УХААЛАГ ЗАСАГЛАЛ зорилтын хүрээнд яг одоо улс төрийн тогтолцооны багц шинэчлэлийг хийж байна. ҮХӨ-ийг баталж, түүнийг дагасан хуулиудад өөрчлөлт оруулахаар хэлэлцэж байна. Эрх мэдлийн төвлөрөлийг бууруулж, бодлогын парламент болох эхлэлийг тавьсан.
2. УХААЛАГ БҮТЭЦ зорилтын хүрээнд төр үндсэн чиг үүрэгтээ илүү анхаардаг, үр дүнтэй ажилладаг болгохын тулд шаардлагагүй ажил, үйлчилгээг хувийн хэвшилд шилжүүлэх ажил өрнөж байна. ТӨК-иудын үр ашиг, менежментийг сайжруулах, ил тод болгох хүрээнд нэг чиглэлийн этгээдүүдийг нэгтгэж нийлүүлэх, олон нийтэд нээлттэй хувьцаат компани болгох бодлого баримталж байна. Мөн иргэн төрөөс үйлчилгээ авахад олон шат дамждаг байдлыг бууруулах, хэлбэрийн хувьд сонголттой болгохоор процессын дахин инженерчлэлийг эхлүүлсэн.
3. ЦАХИМ МОНГОЛ зорилтын хүрээнд И-Монголиа, Майндголиа платформыг амжилттай хэрэгжүүлж байгаа бол цахим аймаг бодлогын зөвлөмжийг гаргаж орон нутагт цахим шилжилтийг эрчимжүүлэх чиглэлээр ажиллаж байна. Үүнд бүх шатны ЗД нар идэвхтэй оролцож, иргэддээ хэрэгтэй өөрчлөлтийг богино хугацаанд бий болгох боломжтой байна.
4. ЧАДВАРЛАГ, ЁС ЗҮЙТЭЙ ТӨРИЙН АЛБА зорилтын хүрээнд төрийн албан хаагчдын нийгмийн баталгааг сайжруулах, тэр дундаа нэг ангилал, зэрэглэлийн албан хаагчдын цалингийн зөрүүтэй байдлыг арилгах чиглэл баримталж байна. Зарим нэг хүний болчимгүй алдаа дутагдлаас болж төрийн албанд ажиллаж байгаа мэдлэг, боловсролтой, өндөр ёс зүйтэй хүмүүс нэр хүндээрээ хохирч байна. Энэ байдлыг залруулахын тулд бүх шатны ЗД нарыг хамтран ажиллах, буруу үйлдэл, соёлыг засаж залруулахад идэвх санаачилгатай ажиллаж байхыг уриаллаа.
5. ХҮНИЙ ЭРХИЙГ ДЭЭДЭЛСЭН НИЙГЭМ зорилтын хүрээнд Хүний эрхийг хангах Үндэсний хороог байгуулж, хүний эрхийг хангах 2023-2027 оны төлөвлөгөөг хэрэгжүүлэн ажиллаж байна. ХЭҮК, ҮСХ-той хамтран анх удаа Хүний эрхийн үндэсний индексийг боловсруулж байна.
6. АВЛИГАГҮЙ ЗАСАГЛАЛЫН хүрээнд 5Ш хөтөлбөрийг хэрэгжүүлж эхэлсэн. Шүүр ажиллагаагаар төрийн албан дахь төрийн албаны тухай хуулийн шаардлага хангаагүй томилгоо болон хууль бусаар ажиллаж байгаа асуудлыг цэгцлэх ажлыг хэрэгжүүлж байна. Ажиллагааны хүрээнд өнгөрсөн 2 сарын хугацаанд 6,5 мянган илэрсэн зөрчлийг арилгах, залруулах үйл ажиллагаа өрнөсөн бол 481 хүнийг ажлаас чөлөөлж, 27 албан тушаалтанд сахилгын арга хэмжээ аваад байна" гэж хэллээ.
Like
1
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
