Б.Ганхуягийг эрүүл мэндийн шалтгаанаар СУЛЛАЖ магадгүй

Админ

2023-06-12

"НҮҮРСНИЙ" гэх хэрэгт холбоотойгоор "Эрдэнэс Тавантолгой" ХК-ийн захирал асан Б.Ганхуягийг Хорих 461 дүгээр ангид саатуулж буй билээ. Тус хэргийг өнөөдрийн байдлаар Прокурорын байгууллага хянаж байгаа юм.

Б.Ганхуягийг өнгөрсөн тавдугаар сарын 5-ны өдөр Чингэлтэй дүүргийн Эрүүгийн хэргийн анхан шатны шүүхийн шүүгчийн захирамжаар суллаж, хязгаарлалт тогтоох аслан сэргийлэх арга хэмжээ авсан. Гэвч прокурорын гомдлоор яллагдагч Б.Ганхуягийг “...гэмт хэрэг үйлдэж болзошгүй талаар үндэслэл бүхий баримт, мэдээлэл байгаа, хэргийн ээдрээ төвөгтэй байдал арилаагүй...” гэх үндэслэлээр цагдан хорих таслан сэргийлэх арга хэмжээний хугацааг сунгасан байдаг.

Тэгвэл Б.Ганхуягийг эрүүл мэндийн шалтгаанаар суллах шийдвэрийг шүүхээс гаргасан талаар зарим эх сурвалж мэдээлж эхэллээ.

Тэрбээр цагдан хоригдох хугацаандаа хоёр ч удаа Хорих ангийн эмнэлэгт хэвтэн эмчлүүлжээ.

Түүнийг Эрүүгийн хуулийн тусгай ангийн 22.4 дүгээр зүйлийн 4 /Хахууль авах/, 22.10 дугаар зүйлийн 1 /Үндэслэлгүйгээр хөрөнгөжих/, 18.6 дугаар зүйлийн 2 дахь хэсгийн 2.2, 2.3 /Мөнгө угаах/ дахь заалтад заасан гэмт хэрэгт холбогдуулан яллагдагчаар татсан байдаг.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

зочин - 2 жил өмнө

хариулах

Хулгай хийж байхдаа өвдөхгүй,үхэхгүй юм шиг шунаж явсан биз дээ.Одоо ялаа үүрэх болхоор үхлээ хатлаа болоод үхэл царайлаад хогийн муу хулгайчууд .шоронд нь хатаа..