Нийслэл Улаанбаатар хотын хувьд моджилт, зүлэгжилт багатай атлаа тоосжилт ихтэй учраас сүүлийн жилүүдэд харшилтай хүний тоо эрс нэмэгдсэн. Тэгвэл Нийслэлийн Захирагчийн Ажлын албанаас хүүхэд багачууд ихээр цуглардаг үндэсний хэмжээний цорын ганц цэцэрлэгт хүрээлэн болох “Үндэсний цэцэрлэгт хүрээлэн”-д 4-6 метрийн өндөртэй, 380 гаруй тооны нарс модыг өнгөрсөн хавар тарьсан юм. Эдгээр нарсыг суулгахдаа хүүхэд залуусын хамгийн ихээр зорчдог хэсэг болох дугуйн зам болон бага насны хүүхэдтэй хүмүүс, өндөр настнууд сууж амардаг хэсэгт тарьсан. Нарс моддын ойр орчмыг зэрлэг буюу хогийн ургамлаас салгах, орчин тойрныг нь хог хаягдалгүй байлгах, услах, титмийн цөөлөлт хийх зэрэг бүхий л арчилгааг “Үндэсний цэцэрлэгт хүрээлэн”-гийн ногоон байгууламжийн хамт олон хариуцан ажилласаар байна.
Моддын арчилгааг технологийн дагуу маш нарийн мөрдөн гүйцэтгэж, байнгын усалгаа хийсний хүчинд нэг ч модны хорогдолгүй амжилтай ургаж байгаа билээ.
Манай оронд таван төрлийн шилмүүст мод байдгаас хамгийн урт настай, өндөр, том ургадаг нь нарс мод юм. Хорин настай нэг ширхэг нарс өдөрт дунджаар 10 орчим кг нүүрстөрөгчийн хийг өөртөө шингээж, 7кг гаруй хүчилтөрөгчийг ялгаруулдаг хүний эрүүл мэндэд гайхалтай ашиг тустай мод юм. Үүнээс гадна нарс мод хүний дархлааг нэмэгдүүлж, интерферон хэмээх бодис ялгаруулдгаараа бусад навчит модноос онцгой. Тиймээс ч нарсан модтой газарт өндөр настан болон хүүхдийн сувилалын газар байгуулдаг туршлага дэлхийн олон улс оронд бий.
Нэг хүн амьдралынхаа туршид 18 мод тарихад насаараа амьсгалсан агаараа эх дэлхийдээ буцаан өгч чаддаг гэсэн тооцоо судалгаа бий.
Тиймээс залуус бид ногоон байгууламжаа хайрлан хамгаалж, шинээр тарьсан болон шилжүүлэн суулгаж байгаа мод бүхнээ амьдруулж, ургуулж чадвал ирээдүй хойчдоо үлдээж буй үнэтэй хувь нэмэр билээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
