Санхүүгийн зохицуулах хорооны ээлжит хуралдаан боллоо. Хөрөнгийн зах зээлд санхүүгийн шинэ технологид суурилсан бүтээгдэхүүн, үйлчилгээний тоог нэмэгдүүлэх, үнэт цаас гаргагч, хөрөнгө оруулагч, зах зээлд оролцогчдын оролцоог нэмэгдүүлж, үнэт цаасны арилжаа, хөрвөх чадварыг өсгөх, хөрөнгийн зах зээлийн эрх зүйн орчныг олон улсын жишигт нийцүүлэх чиглэлээр Санхүүгийн зохицуулах хорооноос бодлого зохицуулалтын цогц арга хэмжээг авч хэрэгжүүлсээр байна.
Харин энэ удаагийн хуралдаанаар Монгол Улсын хамгийн анхны ногоон бондыг бүртгэхээр шийдвэрлэлээ. Энэхүү бонд нь олон улсын Sustainable Fitch байгууллагаар ногоон бондын зарчмуудтай нийцсэн талаарх дүгнэлт гаргуулсан, хөтөлбөрийн хүрээнд гарах анхны ногоон бонд гэдгээрээ онцлогтой юм. Хаан банк олон улсын байгууллагаар зээлжих зэрэглэл тогтоолгосны дагуу барьцаагүйгээр уг бондыг гаргаж, байгаль орчинд ээлтэй үйл ажиллагааг санхүүжүүлэх ногоон санхүүжилтийн багцаа эрчимтэй нэмэгдүүлэх дунд хугацааны томоохон зорилтыг хэрэгжүүлэхээр төлөвлөсөн байна.
Мөн хуралдаанаар нэг компанийн гаргаж буй хөрөнгөөр баталгаажсан үнэт цаас, нэг компанийн хаалттай хүрээнд нэмж гаргаж буй энгийн хувьцаа, нэг хувийн хөрөнгө оруулалтын санг үүсгэн байгуулах баримт бичгийг тус тус бүртгэх, хоёр компанийн хувьцаа эзэмшигчдийн бүтэц, бүрэлдэхүүнд өөрчлөлт оруулах зөвшөөрөл олголоо.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
