"Гацуурт" ХХК-ийн захирал Л.Чинбат "Land cruiser" маркын автомашинаар малчин иргэдийг дайрах гэж хөөсөн билээ.
15-59 УБЦ дугаартай уг машин нь Ч.Н буюу Соёлын сайд Ч.Номингийнх гэдэг нь ИЛ болсон. Түүнчлэн, 190.713 төгрөгийн торгууль, 110.000 мянган төгрөгийн торгуультай байв.
Харин Соёлын сайд Ч.Номин АТГ-т мэдүүлсэн "Хөрөнгө орлогын мэдүүлэг"-тээ аавынхаа унаж явсан "Land criuser-200" маркын автомашиныг мэдүүлээгүй байсан юм. Тэрбээр,
"Toyota, Land Cruiser 80- 1, Суудлын жижиг машин,Toyota, Alphart- 1,Суудлын жижиг машин, Porsche, Cayenne- 1, Жийп болон туулах чадвар өндөр, Mercedes Benz, G 55 AMG- 1, Жийп болон туулах чадвар өндөр,Nissan, Patrol- 1" гэж мэдүүлсэн байна.
Авлигын эсрэг хуульд нэмэлт өөрчлөлт оруулах тухай хуулийн 10 дугаар зүйлийн 4 дэх хэсэгт "Хөрөнгө, орлогын мэдүүлэг гаргасан этгээд энэ хуулийн 10.3-т заасан хугацаанд мэдүүлгээ бүртгүүлсний дараа хөрөнгө орлогод нь зургаан сарын цалинтай тэнцэх буюу түүнээс их хэмжээний өөрчлөлт орсон бол түүнийг 30 хоногийн дотор мэдүүлж бүртгүүлнэ" гэж заажээ. Харин ХОМ-ээ буруу, дутуу мэдүүлсэн бол:
13.8. Мэдүүлэг гаргагч хөрөнгө, орлогын мэдүүлгээ хугацаа хожимдуулж гаргасан, эсхүл бүртгүүлээгүй буюу худал мэдүүлсэн бол дараах хариуцлага хүлээлгэнэ:
13.8.3. зургаан сараас дээш нэг жил хүртэлх хугацааны цалинтай тэнцэх хэмжээний хөрөнгө, орлогыг мэдүүлээгүй буюу худал мэдүүлсэн бол албан тушаал бууруулах;
13.8.4. нэг жилийн цалинтай тэнцэх буюу түүнээс их хэмжээний хөрөнгө, орлогыг мэдүүлээгүй, худал мэдүүлсэн, эсхүл хөрөнгө, орлогын мэдүүлгийг гаргаж өгөөгүй, гаргахаас татгалзсан бол албан тушаалаас нь огцруулах буюу ажлаас халах.
13.9. Хөрөнгө, орлогын мэдүүлгийг бүртгэх, хяналт тавих үүргээ биелүүлээгүй, эсхүл холбогдох материалыг энэ хуулийн 10.3-т заасан хугацаанд ирүүлээгүй албан тушаалтныг эрх бүхий байгууллага, албан тушаалтан албан тушаалын цалингийн хэмжээг гурван сар хүртэл хугацаагаар 30 хувиар бууруулах, уг зөрчлийг удаа дараа гаргасан бол албан тушаал бууруулах сахилгын шийтгэл ногдуулна" гэжээ.
Дээрх заалтуудаас харвал, Ч.Номин сайд аль хэдийнэ хариуцлага хүлээж, албан тушаалаасаа "ОГЦРОХ" болзлоо хангаад байна, Ерөнхий сайд Л.Оюун-Эрдэнэ ээ...
Like
1
Зөв
0
0
Буруу
0
Воов
1
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
