Л.Ганбат: 100 оричм шалгуулагчийн гомдолыг шийдвэрлэсэн. Нэг ч шалгалтын хариу зөрөөгүй

Боловсрол, Шинжлэх Ухааны Яам

Л.Ганбат: 100 оричм шалгуулагчийн гомдолыг шийдвэрлэсэн. Нэг ч шалгалтын хариу зөрөөгүй

Төр.мн I www.tur.mn

2023-06-19

Элсэлтийн Ерөнхий шалгалтын үр дүнг Боловсролын үнэлгээний төвөөс өнөөдөр мэдээллээ.

Боловсролын Үнэлгээний төвийн дарга Л.Ганбат: "2023 оны элсэлтийн ерөнхий шалгалт амжилттай явагдаж дууслаа. Хичээл бүрийн улсын дунджуудыг 2022 онтой харьцуулсан. Энэ жил 10 хичээлийн найман хичээлийн гүйцэтгэл өмнөх оны дунджаас тодорхой түвшинд буурсан үзүүлэлт харагдаж байна.

Математикийн хичээлээр хамгийн их буюу 21112 шалгуулагч шалгалт өгсөн. Харин Орос хэлний хичээлийг 787 шалгуулагч шалгалт өгсөн байна. Өнөөдрөөс эхлэн шалгуулагчид Батламжаа хэвлэн авах боломжтой. Мөн Монгол хэлбичгийн шалгалтын дахин шалгалт наймдугаар сард зохион байгуулна. Найман хичээлийн шалгалтын дүн өмнөх жилээс буурсан үзүүлэлттэй байна.

Гэхдээ энэ нь уралдаант шалгалт буюу эрэмбэлэх зориулалттай тул үүгээр боловсролын чанарыг шууд дүгнэх боломжгүй ч үндэсний хэмжээнд зохион байгуулагдаж байгаа шалгалт гэдэг утгаараа дунд сургуулийн төгсөгчдийн түвшинг харж болохоор байна.

Өргөдөл гомдолууд тодорхой хэмжээнд гарч байна. Өнөөдрийн байдлаар 150 гаруй өргөдөл, гомдол ирсэн байна. Энэ 150 гомдол бол 100 хувь шалгалтынхаа дүн оноонд сэтгэл хүрэхүй, шалгалтын материалтай тнилцах тухай өргөдлүүд байгаа. Дүн оноотойгоо санал нийлэхгүй байгаа тохиолдолд шалгалтын материалыг гар аргаар шалгаж болно. 100 оричм шалгуулагчийн гомдолыг шийдвэрлэсэн. Нэг ч шалгалтын хариу зөрөөгүй" гэв.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.