Цагийн сайханд АН-ынхан эрх барьж, үгүй юм аа гэхэд улстөрийн хоёр дахь "ТОМ ХҮЧИН" байлаа. Тэгвэл улстөрд СӨРӨГ хүчний үүргээ ч гүйцэтгэж чадахаа болиод удаж байна. Д.Ганбат нь үе үе "ЦОР ЦОР" хийнэ. Б.Пүрэвдорж нь эмээ, өвөө нарыг дагуулж, Сүхбаатарын талбайд хааяа "ПОПОРНО".
"БАХ" хочит С.Эрдэнэ нь "АН-д цор ганц тамга байгаа. Би тамгаа өгөхгүй" гэж жил тойруулан тамгаа хав дарсан. Арай хийж, шинээр томилогдсон дарга Лу.Гантөмөртөө бууж өгч, тамгаа өгснөөр АН-ынхан "амьсгаа" авав.
Гэвч байдал дээрдсэнгүй. "Залуу гишүүд нь Лу.Гантөмөрийгөө үзэхээ больсон" гэх ШУУМ гарсан байдаг. Учир нь Лу.Гантөмөрийг "МАНАН бүлэглэлийн ах нартай нийлж, үгсэн хуйвалдаж байгаа" гэж хардсан юм. Төд удалгүй Лу.Гантөмөрийн нэр ч "шалаар" нэг болсон. БЗС-гийн зээлээ охидоо дэлхийн шилдэг сургуулиудад сургаж, БСШУ-ны сайд байхдаа тушаал гаргаж, хууль бусаар нэр бүхий хүмүүсийн зээлийг "ТЭГЛЭСЭН" гэх хэрэгт холбогдсон билээ.
Тэгвэл өнгөрсөн амралтын өдрүүдэд АН дотор хуваагдсан фракцууд уулзаж, "Лу.Гантөмөрийг огцруулахгүй, 2024 оны сонгууль хүртэл дэмжиж ажиллана" гэдгээ илэрхийлсэн байна.
Дашрамд дурдахад, АН-ыг төлөөлөх УИХ-ын гишүүн Н.Ганибал намаа нэгтгэх "Нэг Монгол" хөдөлгөөнийг эхлүүлж, анхдугаар хурлаа "АСЕМ" цогцолборт хийх үеэрээ ийнхүү Лу.Гантөмөрийг дэмжих талаар ярьжээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
