Сураггүй болоод байсан "Титан" шумбагч онгоцны сэгийг Атлантын далайгаас олжээ. Онгоцонд явсан таван хүн амь үрэгджээ.
Сүйрсэн Титаник онгоцны сэгээс 500 метрийн (1600 фут) орчмын зайд 3800 метрийн гүнд сүйрсэн шумбагч завины конус болон их биений бусад хэсгүүдийг олсон гэж АНУ-ын эргийн хамгаалалтын алба мэдэгдэв.
Одоогоор иумбагчийн сүйрлийн шалтгаан тодорхойгүй байна. Мөн нас барагсдын цогцос олдох эсэх нь бүрхэг байна. "Титан" хөлөг онгоцыг эзэмшдэг OceanGate компани багийнхныг нас барсныг хүлээн зөвшөөрсөн мэдэгдэл гаргасан. Эдгээр хүмүүс адал явдалт аялал болон далайг судлах, хамгаалах гүн хүсэл тэмүүллээр нэгдсэн жинхэнэ судлаачид байсан" гэж мэдэгдэлд дурджээ.
OceanGate компани живсэн Титаникийн үлдэгдлийг үзэх аяллыг 2021 оноос хойш зохион байгуулж байжээ. Уг аяллын нэг суудлын төлбөр $250,000 юм.
"Титан" шумбагч завьтай холбоо тасарсан тухай АНУ-ын эргийн хамгаалалтад нэн даруй мэдэгдээгүй, тэд найман цагийн дараа энэ тухай мэдэгдсэн. Үүний дараа Бостон дахь тус газрын удирдлагын төв хэд хэдэн улс оролцсон эрлийн ажиллагааг зохицуулж эхэлжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
