МБШТөв-Гандантэгчэнлин хийдээс нийгэмд үүсээд буй нөхцөл байдлын талаар өнөөдөр хэвлэлийн хурал зохион байгуулж байна.
Ж.Одгарьд: "Үндсэн хуульд заасны дагуу шүүхээр гэм буруутай нь тогтоогдоогүй тохиолдолд хэн нэгнийг буруутай мэтээр ярьж болохгүй. Нэр бүхий сайтад нийтлэгдсэн мэдээллийн дагуу шалгуулах хүсэлтээ цагдаагийн байгууллагад хүргүүлсэн. Шалгалтын ажиллагаа явагдаж байгаа тул тодорхой мэдээлэл өгөх боломжгүй байна.
"Нийгэмд үүссэн нөхцөл байдал урд өмнө нь Гандантэгчинлэн хийдэд гарч байгаагүй. Гандантэгчинлэн хийд дотооддоо холбогдох газруудтай хамтран уг нөхцөл байдлын талаар хариу арга хэмжээ авч байна".
"Ярилцлага хийж, тодорхой хүүхдүүдийн нэрийг олон нийтэд зарласан нь хүүхдийн эрхэд халдсан харамсалтай явдал болсон. Ярилцлага өгсөн хүүхдүүд нийгэмд гадуурхагдаж байна. Монголд болон Энэтхэгт сурч байгаа хүүхдүүдийг гутаан доромжилж байгаа асуудал гарч байна. Хүүхдийн эрхийг хамгаалахад хамтарч ажиллаасай гэж хүсэж байна. Энэ хэргийг үнэн зөвөөр нь шийдвэрлүүлэхийг зорих ёстой" гэв.
Б.Чойжилсүрэн: "Биднийг улстөрчид ч шүүмжилж, харлуулж байна. Ийм асуудал буддын шашинд байдаггүй. Өмнө нь байсан юм шиг хүмүүс ярьж байна. Бурхны шашинд жаяг гэж байдаг. Олон төрлийн сахилууд бий.
Зарим лам эхнэртэй байж болно гэдэг. Өөрөөр хэлбэл, хурьцал үйлдэж болно. Гэхдээ зүй бусаар бэлгийн харьцаанд орж болохгүй гэдэг. Тэр нь ам болон анус гэх мэт. Тиймээс эрэгтэй хүнтэй бүр ч болохгүй. Лам нарыг гомо гэж байгаа нь байж болохгүй асуудал" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
