У.Хүрэлсүх: Офицер хүн бол манлайлагч, сурган хүмүүжүүлэгч байх ёстой

Ерөнхийлөгч

У.Хүрэлсүх: Офицер хүн бол манлайлагч, сурган хүмүүжүүлэгч байх ёстой

Төр.мн I www.tur.mn

2023-06-24

Үндэсний батлан хамгаалахын их сургууль, Дотоод хэргийн их сургуулийн Эрдмийн баяр Д.Сүхбаатарын талбайд боллоо. Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх нэгдсэн төгсөлтийн ёслолд оролцов.

Тэр бээр эх орныхоо төлөө халуун амь, бүлээн цусаа зориулсан өвөг дээдэс, өргөсөн тангарагтаа үнэнчээр зүтгэсэн ахмад үеийнхээ үйл хэргийг залгамжилж, улсынхаа тусгаар тогтнол, газар нутаг, ард иргэдийнхээ аюулгүй байдлыг хамгаалах үүргээ нэр төртэй биелүүлнэ гэдэгт итгэлтэй байгаагаа илэрхийлэв.

Цаашид шинжлэх ухаан, технологи, цэргийн хэргийн хөгжлийн хурдтай хөл нийлүүлэн мэдлэг, боловсролоо байнга дээшлүүлж, улсынхаа аюулгүй байдлыг хангах үйл хэрэгт эрч хүч нэмж, идэвх зүтгэлтэй ажиллах учиртайг санууллаа. Мөн офицер хүн бол мэдлэг оюун, ур чадвар, бие бялдар, зориг тэвчээрээрээ цэрэг дайчдаа үлгэрлэж, шударга, хүнлэг, шийдэмгий, зарчимч чанарыг баримтлан хамт олноо удирдаж, амжилтыг цэрэгтээ, алдааг өөртөө үүрч явдаг манлайлагч, сурган хүмүүжүүлэгч байх ёстойг тодотгов.

Монгол Улсын Ерөнхийлөгч, Зэвсэгт хүчний Ерөнхий командлагч шилдэг төгсөгчдөд цэргийн цол, мэргэжлийн диплом, энгэрийн тэмдэг гардууллаа.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

У.Хүрэлсүх: Офицер хүн бол манлайлагч, сурган хүмүүжүүлэгч байх ёстой

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд