Засгийн газраас 2023-2025 оныг "Монголд зочлох жил" болгон зарлаж, энэ оны тухайд НЭГ САЯ жуулчин хүлээж авахаар төлөвлөөд буй. Иймдээ ч зам харгуйгаас авхуулаад, олон ажил хэрэгжүүлэх юм гэсэн. Ямартаа л автобусны "буудал зарлагч"-ийг англи хэлээр ажиллуулж эхлэх вэ дээ.
Түүнээс гадна гадаадын жуулчид битгий хэл, дотоодын аялагчдын "ТОЛГОЙН ӨВЧИН" болсон нэг асуудал бол яах аргагүй НҮХЭН ЖОРЛОН билээ. Тэгвэл үүнийг БОЛОВСОН "ЭКО 00"-оор шинэчлэхээр болсон байдаг.
БОАЖ-ын сайд, Орчны бохирдлыг бууруулах үндэсний хорооны дарга Б.Бат-Эрдэнэ А/527 тоот тушаалаараа 29 ажилд шаардагдах 43.6 тэрбум төгрөгийг зарцуулах шийдвэр гаргаж байжээ. Энэ хүрээнд тухайн үеийн БОАЖЯ-ны Төрийн нарийн бичгийн дарга Э.Баттулгад эрх шилжсэн бөгөөд 13.8 тэрбум төгрөгийн зарцуулалтын хуваарийг гаргажээ.
Эл жагсаалтад "Улс туяарах" ХХК-д "Гэр хорооллын нүхэн жорлон шинэчлэх" ажлын хүрээнд 2022 оны есдүгээр сарын 28-нд 1.9 тэрбум төгрөг олгосон нь багтсан байна. "Улс туяарах" ХХК нь Барилгын засвар, аялал жуулчлалын чиглэлээр үйл ажиллагаа явуулдаг байгууллага аж.
Гэтэл Б.Бат-Эрдэнэ сайдын 1.9 ТЭРБУМ төгрөгийн үнэтэй "00" шинэчлэх ажил замхарч, аль дүүргийн хэдэн айлын "НҮХЭН ЖОРЛОН"-г сольсон нь БҮРХЭГ хэвээр байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
