Нийгмийн даатгалын багц хуулийн асуудлыг өнгөрсөн долоо хоногийн УИХ-ын чуулганаар хэлэлцэж, малчдын НДШ-ийн 50 хувийг төрөөс даахыг гишүүдийн олонх нь дэмжсэн. Харин эсрэгээрээ ихэнх иргэд болон нийслэлээс сонгогдсон зарим гишүүд уг заалтыг дэмжихгүй байна. Тухайлбал,
УИХ-ын гишүүн Х.Ганхуяг "Яагаад мянгат малчны тэтгэврийг ипотек, банкны зээл, лизингтэй хүмүүс төлөх ёстой юм. Шударга бус асуудал" хэмээн байр сууриа илэрхийлсэн юм. Тэгвэл НДЕГ-ын дарга Д.Ганцэцэг "Малчдын 20 орчим хувь буюу 40 гаруй мянган малчин нийгмийн даатгалд хамрагдаж байгаа. 2019 онд хуульд өөрчлөлт оруулж тэтгэвэр гарах насыг нь наашлуулсантай холбоотойгоор 27 орчим мянган малчин нийгмийн даатгалаас тэтгэвэр авч байгаа. Малчид нийгмийн даатгалд хамрагдалт бага байгаатай холбоотойгоор малчин нийгмийн даатгалын шимтгэлийнхээ тав хүртэлх жилийн шимтгэлийг өөрөө хариуцан төлж байгаа бол тэр шимтгэлийнх нь 50 хувийг төрөөс хариуцъя гэсэн зохицуулалт орж байгаа" хэмээн тайлбарлав.
Дашрамд дурдахад, аль ч аймгийн, ямар ч малчин "Миний НДШ-ийн талыг нь төлөөд өгөөч ээ" гэж хэлээгүй л болов уу. Магадгүй, УИХ-ын сонгууль хаяанд ирсэн энэ үед орон нутгаас сонгогдсон гишүүд тархиа "ХАГА" цохиулахгүйн тулд Нийгмийн даатгалаар "ТУГ" тахиад буй бололтой.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
