"Дарханы төмөрлөгийн үйлдвэр" ХХК, "Цемент шохой" ХК, "Эрдэнэт үйлдвэр" ТӨҮГ-т учирсан хохирлын эзэн холбогдогч Д.Эрдэнэбилэг нь хилээр гарсан талаар Засгийн газрын итгэмжлэгдсэн төлөөлөгчид мэдээлэл өглөө.
“Кью Эс Си” компани нь “Уул уурхай, металлургийн цогцолбор” төслийг бүрэн хэрэгжүүлэх концессын гэрээг Засгийн газартай /Эдийн засаг, хөгжлийн яам/-тай 2014 онд байгуулсан байдаг. Концесс эзэмшигчид гэрээний үүргээ биелүүлээгүй, Дарханы төмөрлөгийн үйлдвэрийн хэвийн үйл ажиллагааг алдагдуулж, явцуу ашиг сонирхлоор хандсан нь төр өмчөө эргүүлэн авах, гэрээг 2022 онд цуцалсан байдаг.
Дэлхийн зах зээлийн үнээс маш хямдаар төмрийн хүдрийг өөрсдийн хамаарал бүхий этгээдүүдэд зарж борлуулж, тэр нь цааш үнэд хүргэх байдлаар мөнгө угаасан гэдгийг хууль хяналтын байгууллагынхан илрүүлэх шаардлагатай гэж албаныхан хэлж байна.
Дарханы төмөрлөгийн үйлдвэр 40 гаруй сая ам.долларын бараа, бүтээгдэхүүн нийлүүлэх өрөнд унажээ. Мөн Монголын төрд бизнесийн үйл ажиллагаа явуулсныхаа төлөө төлөх ёстой байсан татвараа төлөөгүй зэрэг үйл ажиллагаанаас хамаараад 800 орчим тэрбум төгрөгийн өр төлбөр үүсжээ. Татварын өр 355 тэрбум төгрөг болон мөн тооны мөнгийг Дарханы төмөрлөгийн үйлдвэрийн нэрээр Худалдаа хөгжлийн банкнаас зээл авч, энэхүү мөнгөө зээлж авсан даруйдаа “Кью эс си” компани руу шилжүүлэн авчээ.
Үйлдвэр өдөрт гурав орчим сая тонн төмрийн хүдрийг олборлон тээвэрлэх боломжтой. Гэтэл үүний 700 орчим мянга нь Худалдаа хөгжлийн банкны зээлийн барьцаанд байна. Өр төлбөрийн энэ байдлаас үүдэж гангийн үйлдвэрт шаардлагатай хөрөнгө оруулалтыг босгох ажилд хүндрэл үүсэж эхэлжээ. “Дарханы төмөрлөгийн үйлдвэр”-тэй холбоотой эрүүгийн нэг, захиргааны хоёр, иргэний нэг буюу нийт дөрвөн хэргийн хянан шийдвэрлэгдэх ажиллагаа явагдаж байгаа юм. Гэсэн ч тус үйлдвэртэй холбоотой этгээд болох Д.Эрдэнэбилэг нь хилээр гараад зугтжээ.
Д.Эрдэнэбилэгийг прокурорын зөвшөөрөлтэйгээр хилээр гарсан байна. Шүүхийн үйл ажиллагаа хуулийн дагуу хийгдээгүй байна. Иймд гурван төрлөөр АТГ-т хүсэлт хүргүүллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
