Ерөнхий сайд Л.Оюун-Эрдэнэ БНХАУ-ын зарим аж ахуйн нэгжийн удирдлагыг хүлээн авч уулзав

Засгийн газар

Ерөнхий сайд Л.Оюун-Эрдэнэ БНХАУ-ын зарим аж ахуйн нэгжийн удирдлагыг хүлээн авч уулзав

Төр.мн I www.tur.mn

2023-06-29

БНХАУ-д албан ёсны айлчлал хийж буй Монгол Улсын Ерөнхий сайд Л.Оюун-Эрдэнэ 2023 оны 6 дугаар сарын 28-ны өдөр Хятадын “Сани” группийн ТУЗ-ийн дарга Шян Вэньбо-г хүлээн авч уулзаж, хамтын ажиллагааны талаар санал солилцлоо.

Тус групп бетон зуурмаг, газар шорооны болон өргөх машин, зам барилга, овоолгын машин, салхины эрчим хүч, нефть, нүүрсний тоног төхөөрөмж, угсармал барилгын зэрэг чиглэлээр үйл ажиллагаа явуулдаг, салбартаа тэргүүлэгчдийн нэг юм байна.

Ерөнхий сайд Л.Оюун-Эрдэнэ БНХАУ-ын “Хятадын харилцаа, холбооны барилга” компанийн дэд ерөнхийлөгч Чэнь Жун-ыг хүлээн авч уулзлаа. Тус компани хөрөнгө оруулалт, зам тээврийн дэд бүтцийн бүтээн байгуулалт, ашиглалт болон тоног төхөөрөмжийн үйлдвэрлэл, хот төлөвлөлт, санхүүжилт, зураг төсөл, барилга угсралт, ашиглалтын зэрэг цогц үйлчилгээ үзүүлдэг, Хятадын төрийн өмчит компани юм. Өнөөдрийн байдлаар дэлхийн 150 гаруй оронд олон тооны тээврийн дэд бүтцийн төсөл хэрэгжүүлж байна. Талууд хамтын ажиллагааны талаар санал солилцлоо.

Ерөнхий сайд Л.Оюун-Эрдэнэ БНХАУ-ын “TBEA” компанийн гүйцэтгэх захирал Ма Шүпин-тай уулзаж Чойбалсангийн дулааны цахилгаан станцын 50 МВт-ын өргөтгөлийн төслийн санхүүжилтийн талаар ярилцлаа. Тус компани төслийн ерөнхий гүйцэтгэгчээр шалгарч, 2020 оноос хэрэгжүүлж байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

Ерөнхий сайд Л.Оюун-Эрдэнэ БНХАУ-ын зарим аж ахуйн нэгжийн удирдлагыг хүлээн авч уулзав

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд