Бүсчилсэн хөгжлийн бодлогыг их бүтээн байгуулалтын төслүүдтэй уялдуулан дахин тодорхойлно, аймгийн төвүүдийг бие даасан хот болгон хөгжүүлнэ, орон нутаг төсвийн орлогоо бие даан бүрдүүлэх санхүү, эдийн засгийн боломжийг нээж өгнө, орон нутгийн удирдлагуудын эрх мэдэл, үүрэг хариуцлагыг нэмэгдүүлнэ.
Энэ бол “Хөдөөгийн сэргэлтийн бодлого”-ын үндсэн зорилт. Хөгжил Улаанбаатарт төвлөрөх бус орон нутагт жигд хүрч, иргэд хөгжлийн үр шимийг ижил түвшинд хүртэх боломжийг олгоно гэсэн үг.
“Усыг эргүүлж Уулыг нурааж” хөгждөг үе ард хоцорсон. Иймээс ч энэ өдрүүдэд Дархан-Уул аймагт “Тогтвортой, ногоон санхүүжилт” гэсэн ойлголтын дор хөрөнгө оруулалтын форум зохион байгуулагдаж байна.
Дэлхий нийтээрээ “Ногоон” эдийн засаг, “Ногоон” хөгжил ярьж, ингэж хөгжихийг зорьж, ийм хөгжлийн чиг хандлагыг нийтээрээ дэмжих болсон. Тиймээс ч гадны хөрөнгө оруулагчид өнөөдрийн энэхүү форумд өндөр ач холбогдол өгч байна.
Засгийн газраас орон нутаг, Дархан хот гоё болно яваад оч гэж хоосон уриалга гаргаагүй. Хувь хүнд ажиллаж амьдрах нөхцөл, аж ахуйн нэгжид хууль эрх зүйн орчинг нь бүрдүүлэн өгч байгаа.
Хувь хүн, айл өрхөд зориулж Ипотекийн хөнгөлөлттэй зээл олгоно. Өнөөдөр Улаанбаатар хотод орон сууц худалдан авах хамгийн бага хүүтэй зээлийн үйлчилгээ нь жилийн 6.0 хувийн хүүтэй зээл. Тэгвэл “Хөдөөгийн сэргэлт”-ийн хүрээнд орон нутагт орон сууц худалдан авч, тухайн газраа суурьшин амьдрах иргэдэд зориулж жилийн 3,0 хувийн хүүтэй Ипотекийн зээл олгоно. Энэ нь өнөөдөр олгогдож байгаа ипотекийн зээлийн хүүгээс 2 дахин бага хэмжээ. Иргэдийн хувьд орон сууц авахад урьдчилгаа төлбөрийн асуудал хүндрэлтэй байдаг. Тэгвэл засгийн газар Батлан даалтын сангаар дамжуулан урьдчилгаа 30 хувийн төлбөрийн 60 хувийг жилийн 1.0 хувийн хүүтэйгээр олгохоор болжээ.
Ажлын байр байсан тохиолдолд хүн тогтож, орон нутаг хөгжих ёстой. Иймээс ч аж ахуйн нэгж уруу чиглэсэн олон боломж байгаа. Цөөхөн хэдийг нь дурдвал: 2023 оноос хойш хэрэгжих дулаан, цахилгааны төслүүд борлуулалт хийж эхэлснээс хойш гурван жил 90 хувь, дараагийн гурван жил 50 хувиар тус тус орлогын татвараас хөнгөлнө. Орон нутаг руу шилжсэн ААН-д 500 хүртэл сая төгрөгийн зээлийг жилийн 1.0 хувийн хүүтэй олгоно. Тодорхой болговол арилжааны банкууд аж ахуйн нэгж компаниудад жилийн 15.6 хувийн хүүтэй зээл олгох бөгөөд Засгийн газраас зээлийн нийт хүүгийн 14.6 нэгж хувийг хариуцан төлж, зээлдэгч үлдсэн 1.0 хувийн зээлийг л төлнө гэсэн үг.
Like
1
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
