Цар тахлын дэгдэлт хүнд буй энэ цаг үед ажлын байрны хайлт нэмэгдсэн. Дэлхий нийтийг хамарсан Коронавирусээс үүдэн жижиг дунд үйлдвэр, хувиараа хөдөлмөр эрхлэгч нар ээлж дараалалтайгаар хаалгаа барьж байна.
Өнгөрөгч 2020 оноос эхлэн улсын хэмжээнд таван удаагийн хатуу хөл хорио тогтоож, хорионд орсон ард иргэд хоногийн хэрэгцээгээ хангах үүднээс ажлын байрны эрэлтэд орсон.
НОК-ийн шийдвэрээр ААН-үүд зөвшилцлийн гэрээ байгуулж үйл ажиллагаа явуулах эрхтэй болсон. Мөн гэрээ байгуулсан хүнсний чиглэлийн байгууллагууд иргэдийг заалаар болон танхимаар хүлээн авч үйлчлүүлэх юм.
Өнөөдрийн байдлаар зөвшилцлийн буюу хариуцлагын гэрээ байгуулж үйл ажиллагаа явуулж буй хүнс үйлдвэрлэлийн 1627 гаруй байгууллага байна.
Энэ цаг үетэй зэрэгцээд дотоодын томоохон байгууллага болон худалдаа эрхлэгч нар иргэдийг хохироох үйлдэл ихээхэн гарах болсон байна. Учир нь цар тахал болон эдийн засгийн хямралтай нөхцөлийг ашиглан, ажил олгогч нар ажилд орох хүсэлтэй иргэдийг дагалдан буюу дадлагын орон тоон дээр тавьж ажиллуулах тоо эрс нэмэгдсэн байна. Мөн тухайн байгууллага дагалдан хийлгэж буй иргэнээ дээд талдаа 3 сарын хугацаа зааж өгч байна. Энэ нь хөдөлмөрийн хууль бус үйлдэлд орохгүй ч хөдөлмөрийг нь шулж буй хэрэг юм.
Байгууллага бүрийн дотоод журмын ялгаанаас болж иргэд цалингаа авч чадахгүй, хэдэн сар хөдөлмөрлөж байгаад ажлаас халагдаж байна.
Хөдөлмөрийн хуульд тусгаж өгсөн хөдөлмөрийн гэрээний 23.2.3-т зааснаар ажил, албан тушаал нь хууль болон бусад шийдвэрийн үндсэн дээр хэвээр хадгалагдаж байгаа ажилтны оронд ажиллах ажилтантай эзгүй байгаа ажилтныг ажилдаа эргэж орох хүртэл, улирлын болон түр ажилд тухайн ажлын үргэлжлэх хугацаагаар, шинээр орж байгаа ажилтан болон дагалдан суралцагчтай ажил олгогчоос хөдөлмөрийн дотоод журмаараа тогтоосон туршилтын болон дагалдан ажиллуулах хугацаагаар.
Туршилтын болон сургалтын хугацаа нь 3 сараас илүүгүй байна” хэмээн зааж өгсөн байдаг.
Хүнд нөхцөл байдлаас гарсан иргэдийн ажилд орох тэмүүлэл дээр хувийн байгууллагууд дөрөөлөн ашиглаж байна. Төр нь иргэний мэдэхгүй, иргэн нь хуулиа мэдэхгүйгээр далимдуулан ААН-үүд иргэдийг хохироох нь нийгэмд олонтой гарч байна. Төрөөс гаргасан шийдвэрийн дагуу ээлж дараалалтайгаар хаалгаа барьсан ААН-үүд орлого болон худалдан авах чадвар буурсан гэж тодорхойлж байна. Мөн нийгмийн даатгалын хувь нэмэгдэж, татвар төлөхөөс иргэд татгалзаж буй нь байгууллагад асуудал дагуулж буйг хөдөлмөр эрхлэгч нар дурдаж байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
