Боловсрол, Шинжлэх ухааны яамнаас Элсэлтийн ерөнхий шалгалтыг энэ сарын 19-ны өдрөөс эхлэх товыг гаргасан. 2021-2022 оны хичээлийн жилийн Элсэлтийн Ерөнхий Шалгалт өнөөдөр Монголын түүх хичээлээр эхэлсэн. Шалгалтын дүнг шууд засалтын систем нэгтгэж байна. Тус хичээлийг улсын хэмжээнд 1702 шалгуулагч сонгосон ч 1258 нь шалгалтад орсон аж. Ирц 74.1 хувьтай байжээ. Шалгалтад оролцоогүй сурагчдын ихэнх нь өмнөх онуудын төгсөгчид байлаа.
Монголын түүх хичээлийн шалгалтаар зургаан шалгуулагч хамгийн өндөр буюу 92 оноог авсан байна. Хамгийн өндөр оноо авсан сурагч нар бүгд орон нутгийн сурагчид аж. Харин нийслэлийн сурагчдын хувьд хамгийн ихдээ 85 оноог авчээ.
Улсын хэмжээнд өнөөдөр Монголын түүх, Англи хэлний шалгалтыг цагийн хуваарьт заасны дагуу авч эхэлсэн. Англи хэлний шалгалт одоогоор үргэлжилж байна. ЭЕШ холбоотой санал гомдол одоогийн байдлаар ирээгүй байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
