Олон улсын Биологийн олимпиадаас манай улсын баг “ХОС ХҮРЭЛ МЕДАЛЬ” хүртлээ

Боловсрол, Шинжлэх Ухааны Яам

Олон улсын Биологийн олимпиадаас манай улсын баг “ХОС ХҮРЭЛ МЕДАЛЬ” хүртлээ

Төр.мн I www.tur.mn

2023-07-11

2023 оны долоодугаар сарын 03-11-ний өдрүүдэд Арабын нэгдсэн Эмират улсад зохион байгуулагдсан Олон улсын Биологийн 34 дүгээр олимпиадаас Монголын баг хос хүрэл медаль болон тусгай байрыг эх орондоо авч ирж байна.

Тодруулбал Шинэ-Үе сургуулийн 11 дүгээр ангийн сурагч Г.Мишээл хүрэл медаль, Шинэ Эхлэл сургуулийн 12 дугаар ангийн сурагч Т.Намуун хүрэл медаль, Байгаль-Эх лицей сургуулийн 11 дүгээр ангийн сурагч Г.Ирээдүй тусгай байр эзэлжээ.

Олон улсын биологийн 34 дүгээр олимпиадад Монгол улсаа төлөөлж МУИС-ийн Биологийн тэнхимийн профессор Л. Ариунцэцэг, профессор Б. Болдгив, дэд профессор Г. Баярмаа, дэд профессор Д. Нарангарвуу болон Улаанбаатар хотын Шинэ-Үе Сургуулийн 11 дүгээр ангийн сурагч Г. Мишээл, Байгаль-Эх лицей ахлах сургуулийн 11дүгээр ангийн сурагч Г. Ирээдүй, Нэгдүгээр сургуулийн сурагч 12 дугаар ангийн сурагч Л. Индра, Шинэ Эхлэл ахлах сургуулийн 12 дугаар ангийн сурагч Т. Намуун нар оролцсон юм.

Нийт 80 орны 304 сурагч Биологийн шинжлэх ухааны “Амьтны анатоми, физиологи”, “Эсийн биологи”, “Экологи”, “Зан төрх”, “Генетик”, “Эволюци”, “Ургамлын физиологи” гэсэн чиглэлүүдээр онолын (нийт 168 хуудас), “Биохими”, “Биоинформатик”, “Экологи ба Зан төрх”, “Ургамлын молекул биологи” гэсэн чиглэлүүдээр дадлагын (нийт 66 хуудас) мэдлэгээ сорин өрсөлджээ.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

Олон улсын Биологийн олимпиадаас манай улсын баг “ХОС ХҮРЭЛ МЕДАЛЬ” хүртлээ

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд